ایشیا کپ کے فائنل میں شاداب اور آصف کے کیچ چھوڑنے کی ویڈیو پر بھارتی پولیس کی تنقید

بھارتی دارالحکومت دہلی کی پولیس نے ایشیا کپ ٹی ٹوئنٹی 2022 کے فائنل میں شاداب اور آصف علی کے کیچ چھوڑنے کی ویڈیو کے ذریعے پاکستانی ٹیم کو تنقید کا نشانہ بنایا ہے۔

حال ہی میں دہلی پولیس نے سماجی رابطے کی ویب سائٹ ٹوئٹر پر پاکستانی کھلاڑی آصف علی اور شاداب کی ٹکر سےکیچ چھوٹنے کی ویڈیوکو شیئر کیا، جس کے کیپشن میں انہوں نے لکھا کہ اے بھائی ذرا دیکھ کر چلو۔

Ae Bhai, Zara Dekh Ke Chalo#RoadSafety #AsiaCup2022Final pic.twitter.com/gepAVvrO33

— Delhi Police (@DelhiPolice) September 12, 2022

واضح رہے کہ ویڈیوکو بھاری پولیس نے ٹریفک کی آگاہی کیلئے استعمال کیا ہے کیونکہ انہوں نے ویڈیو میں روڈ سیفٹی اور ایشیا کپ کے ہیش ٹیگز کا استعمال کیا ہے۔

یہ بھی پڑھیں:

پاکستان کے حذیفہ ابراہیم نے امریکا میں ہونے والی جونیئر اسکواش چیمپئن شپ جیت لی

یاد رہے کہ ایشیا کپ کے فائنل میں پاکستانی پیسر محمد حسنین کے 19ویں اوور کی آخری گیند پر سری لنکن بلے باز راجا پکسے نے ایک اونچا شاٹ کھیلا جس سے بال باؤنڈری لائن پر کھڑے آصف علی کے ہاتھوں میں آہی رہی تھی کہ دور سے دوڑتے ہوئے شاداب گیند پکڑنے کی غرض سے آئے اور آصف سے ٹکرا گئے۔

دونوں فیلڈروں کی ٹکر سے گیند باؤنڈری سے باہر چلی گئی اور چھکا ہوگیا۔