بھارتی وزیر اعظم مودی کا کراچی طیارہ حادثے پر دکھ کا اظہار

نئی دلی: بھارتی وزیر اعظم نریندر مودی نے کراچی حادثہ طیارے پر دکھ کا اظہارکیا ہے، اس حوالے سے بھارتی وزیر اعظم کا کہنا تھا کہ جاں بحق افراد کے لواحقین سے دلی ہمدردی اور زخمیوں کی جلد صحت یابی کے لئے دعاگو ہوں

سماجی رابطے کی ویب سائٹ ٹویٹر پر بھارتی وزیراعظم نریندرا مودی نے پاکستان میں ہوائی جہاز کے حادثے کے نتیجے میں جانی نقصان پر گہرے رنج و غم کا اظہار کیا۔

Deeply saddened by the loss of life due to a plane crash in Pakistan. Our condolences to the families of the deceased, and wishing speedy recovery to those injured.

— Narendra Modi (@narendramodi) May 22, 2020

نریندر مودی نے کہا کہ حادثے میں جاں بحق افراد کے لواحقین سے دلی ہمدردی ہے اور زخمیوں کی جلد صحت یابی کے لیے دعاگو ہوں۔

ایسے وقت میں جب پاکستان اور بھارت کے تعلقات انتہائی کشیدہ ہیں اور آئے روز کنٹرول لائن پر بھارتی افواج کی جانب سے سیز فائر کی خلاف ورزی کی جارہی ہے، بھارتی وزیر اعظم کے بیان پر حیرت کا اظہار کیا جارہا ہے۔