گوگل نیوز پر ہمیں فالو کریںلکھنؤ: بھارتی حکام نے مسلمان سماجی کارکن آفرین فاطمہ کے گھر کو بی جے پی رہنماؤں کی جانب سے حضور اکرم صلی اللہ علیہ وآلہ وسلم کے خلاف توہین آمیز کلمات کے خلاف احتجاج کرنے پر مسمار کردیا۔
ہندوستانی پولیس نے اتوار کو احتجاجی مظاہروں کے خلاف سخت کریک ڈاؤن کیا جب حالیہ ہفتوں میں وزیر اعظم نریندر مودی کی پارٹی کے دو ارکان کے اسلام مخالف تبصروں کے خلاف مسلمان سڑکوں پر نکل آئے۔
شمالی ریاست اتر پردیش میں فسادات کے نتیجے میں 300 سے زائد افراد کو گرفتار کیا گیا۔ پریاگ راج، جسے پہلے الہ آباد کہا جاتا تھا، میں پولیس کی بربریت کی ویڈیوز وائرل ہوئیں۔
پولیس نے طالب علم رہنما آفرین فاطمہ کے گھر پر چھاپہ مار کر ان کے والد محمد جاوید، والدہ اور بہن کو گرفتار کر لیا۔ انہوں نے اس کے والد پر الزام لگایا ہے کہ وہ ”احتجاج کے ماسٹر مائنڈ” ہیں۔جو ذیابیطس کے مریض ہیں اور انہیں روزانہ انسولین کی ضرورت ہوتی ہے۔
سماجی کارکن کے مطابق ”ہم گھر میں صرف عورتیں اور بچے ہیں۔ ہم گھبراہٹ اور صدمے کا شکار محسوس کرتے ہیں۔ پولیس نے ہمیں گھر کو تالا لگا کرچھوڑنے کو کہا ہے۔
”مجھے نہیں معلوم کہ میرے والد، والدہ اور بہن کہاں ہیں۔ مجھے ان کی حفاظت کی فکر ہے۔ میرے والد ذیابیطس کے مریض ہیں اور انہیں ہر رات انسولین کے انجیکشن کی ضرورت ہوتی ہے۔
اتوار کو پولیس ویلفیئر پارٹی آف انڈیا کے رہنما اور کارکن آفرین فاطمہ کے والد جاوید محمد کے گھر پہنچی اور ان کے گھر کو مسمار کرنا شروع کر دیا۔
Demolishing of Muslim houses continue in India.
This is happening now.
— Ahmer Khan (@ahmermkhan) June 12, 2022
اگلے اور پچھلے گیٹوں کو کھٹکھٹانے کے بعد بلڈوزروں نے گھر سے ذاتی سامان نکال کر فاطمہ کے گھر کے ساتھ والے پلاٹ پر پھینک دیا۔
حکام نے نماز جمعہ کے بعد پریاگ راج میں تشدد بھڑکانے پر نابالغوں سمیت 60 سے زیادہ لوگوں کو گرفتار کیا۔
ایک دن پہلے جاوید محمد اور ان کے اہل خانہ کو ایک نوٹس موصول ہوا تھا جس میں ان کے گھر کی غیر قانونی تعمیر کا حوالہ دیا گیا تھا۔ کارکنوں نے خط کو غیر قانونی اور انتہائی شرمناک قرار دیا۔
طالب علم کارکن آفرین فاطمہ نے 11 جون کو خواتین کے قومی کمیشن کو ایک سوشل میڈیا پٹیشن دائر کی، جس میں اپنے والد کی حفاظت کے بارے میں اپنے خدشات کا اظہار کیا۔
مزید پڑھیں:گستاخانہ بیان پر مظاہرے، پاکستان کی بھارتی مسلمانوں پر تشدد کی مذمت
