گوگل نیوز پر ہمیں فالو کریںسڈنی: ٹی ٹونٹی ورلڈ کپ کے سیمی فائنل سے قبل بھارتی کرکٹ شائقین کے لئے بری خبر سامنے آگئی، کپتان روہت شرما بازو پر گیند لگنے کے باعث معمولی زخمی ہوئے۔
ذرائع کے مطابق نیٹ پریکٹس کے دوران گیند بھارتی کرکٹ ٹیم کے کپتان روہت شرما کے بازو پرلگی جس کے بعد انہوں نے فوری طور پر طبی امداد کا اشارہ کردیا۔
روہت شرما نے طبی امداد کے بعد نیٹ پر صرف ایک گیند کا سامنا کیا اور بیٹنگ چھوڑ کر چلے گئے۔جس کے بعد ان کے ساتھی کھلاڑیوں کو بھی پریشان صورتحال میں دیکھا گیا۔
مزید پڑھیں:سابق اسپن بولر عبدالقادر آئی سی سی ہال آف فیم میں شامل
روہت شرما نے انجری کے خدشے کے پیش نظربیٹنگ چھوڑنے کے بعد مزید طبی امداد حاصل کی۔واضح رہے کہ بھارت ٹی ٹونٹی ورلڈ کپ کے دوسرے سیمی فائنل میں کل بروز جمعرات کو انگلینڈ سے مدمقابل ہو گی،جبکہ پاکستان کل سیمی فائنل میں نیوزی لینڈ کے مد مقابل ہوگا۔
