گوگل نیوز پر ہمیں فالو کریںسری نگر: مقبوضہ جموں و کشمیر میں بھارت کی ریاستی دہشت گردی جاری ہے جہاں قابض فوج نے 1 کشمیری نوجوان کو شہید کردیا۔
کشمیر میڈیا سروس کے مطابق بھارتی فوج نے سری نگر میں نواگام کے علاقے واگوڑہ میں نام نہاد سرچ آپریشن کے دوران کشمیری نوجوان کو شہید کیا جبکہ گزشتہ شب آخری اطلاعات آنے تک بھارتی فوج کا سرچ آپریشن جاری تھا۔
حریت رہنما یاسین ملک کی اہلیہ مشعال ملک کا کہنا ہے کہ اسرائیل اور بھارت نے فلسطین اور مقبوضہ کشمیر میں مسلسل جبر و تشدد اور بربریت کا سلسلہ جاری رکھا ہوا ہے۔
یاسین ملک کی اہلیہ نے کہا کہ روزانہ کی بنیاد پر ظلم و تشدد کی خبروں سے ہم یہ یقین کرنے پر مجبور ہو گئے ہیں کہ عالمی برادری حفاظت کیلئے اپنی مرضی کے مظلوموں کا انتخاب کرتی ہے۔
مشعال حسین ملک نے کہا کہ مقبوضہ جموں و کشمیر اور فلسطین پر روزانہ کے حساب سے جاری ظلم و تشدد عالمی برادری کو نظر نہیں آتا۔ عالمی برادری کے انسانی حقوق کے اصول کشمیر و فلسطین کیلئے کارآمد نہیں ہیں۔
Hearing the news of constant barbarity and brutality by the occupation forces of #Israel and #India on daily basis has made me believe that the international community picks and chooses whoever they want to protect. Their principles are not valid for #Kashmiris and #Palestinian
— Mushaal Hussein Mullick (@MushaalMullick) June 16, 2021
یاد رہے کہ اِس سے قبل اسرائیلی فورسز نے مظلوم فلسطینیوں پر شیلنگ اور مبینہ فضائی حملے کیے جبکہ متعدد فلسطینی نوجوانوں کو گرفتار کر لیا گیا۔
اسرائیلی فورسز نے مظلوم فلسطینیوں پر بمباری اور فضائی حملے کرنے کے ساتھ ساتھ مظاہرہ کرنے والے متعدد نوجوانوں کو حراست میں لے لیا۔
قبل ازیں اسرائیلی قوم پرستوں نے اسرائیلی فورسز کی زیرِ نگرانی فلسطینیوں کے خلاف ریلی نکالی اور متعصبانہ نعرے بازی کی، جس کے خلاف فلسطینیوں نے مظاہرے کیے۔
مزید پڑھیں: اسرائیلی فورسز کی مظلوم فلسطینیوں پر شیلنگ، متعدد نوجوان گرفتار
