مقبوضہ وادی میں بھارتی دہشت گردی،6 ماہ میں 140 کشمیری شہید

سری نگر: مقبوضہ جموں و کشمیر میں بھارتی فوج کی ریاستی دہشت گردی جاری ہے۔ گزشتہ 6 ماہ میں 140 کشمیریوں کو شہید کردیا گیا۔ زیادہ تر شہادتیں نام نہاد سرچ آپریشن کی آڑ میں ہوئیں۔

تفصیلات کے مطابق مقبوضہ جموں کشمیر میں بھارتی فوج نے ظلم و بربریت کی انتہا کردی۔ کشمیر میڈیا سروس (کے ایم ایس) کا کہنا ہے کہ بھارتی فوج نوجوانوں کو مظالم کا نشانہ بنا رہی ہے۔

یہ بھی پڑھیں:

چین کی کشمیر میں جی 20 اجلاس منعقد کرنے کی مخالفت

رواں برس بھارتی فوج نے نوجوان کشمیریوں کو نام نہاد سرچ آپریشن کے نام پر گھروں سے نکال کر بد ترین تشدد کا نشانہ بنایا اور شہید کردیا۔ اب تک بھارتی فوج سیکڑوں افراد کو گرفتار کر چکی ہے۔

آج سے 3 سال قبل 5اگست 2019 کو بھارت نے مقبوضہ کشمیر کی آئینی حیثیت بدل کر لاک ڈاؤن نافذ کردیا تھا جس کے بعد سے گرفتاریوں اور تشدد کے نتیجے میں درجنوں کشمیریوں کو شہید کیا گیا۔

کشمیر میڈیا سروس کا کہنا ہے کہ رواں برس نوجوانوں کو زیادہ تعداد میں شہید کیا گیا۔ بھارتی فوج کالے قانون کے تحت 854 افراد کو گرفتار جبکہ 34 گھروں کو تباہ کرچکی ہے۔