ایل پی جی کی قیمت میں 10 روپے فی کلو اضافہ

اسلام آباد: چیئرمین ایل پی جی ڈسٹری بیوٹرز ایسوسی ایشن عرفان کھوکھر کی جانب سے ایل پی جی کی قیمت میں 10 روپے فی کلو کے اضافے کا اعلان کیا گیا ہے۔

تفصیلات کے مطابق عرفان کھوکھر نے اپنے بیان میں کہا ہے کہ ایل پی جی کی قیمت 10روپے اضافے کے بعد 130روپے فی کلو ہو گئی ہے۔

چیئرمین ایل پی جی کے مطابق ایل پی جی کی قیمت میں اضافے کے بعد گھریلو سلنڈر 150 روپے جبکہ کمرشل 450 روپے مہنگا ہو گیا ہے۔

یہ بھی پڑھیں:

امریکی ڈالر قابو سے باہر، 236 روپے کا ہوگیا

انہوں نے کہا کہ اِس اضافے کے بعد ایل پی جی کا گھریلو سلنڈر 2 ہزار 750 روپے اور کمرشل 10 ہزار 438 روپے کا ہو گیا۔

عرفان کھوکھر کے مطابق گلگت میں ایل پی جی کا گھریلو سلنڈر 3 ہزار 600 روپے میں جبکہ کمرشل سلنڈر 13 ہزار 600 روپے میں فروخت ہو رہا ہے۔

عرفان کھوکھر نے یہ بھی کہا کہ ایل پی جی کی قیمت کنٹرول نہ ہوئی تو ملک بھر میں ہڑتال کر دیں گے۔