ممنوعہ فنڈنگ کیس میں حکومت آئین و قانون کے مطابق اپنا کردار ادا کرے گی، سعد رفیق

اسلام آباد: وفاقی وزیر ریلوے خواجہ سعد رفیق نے کہا ہے کہ ممنوعہ فنڈنگ کیس میں حکومت آئین و قانون کے مطابق اپنا کردار ادا کرے گی۔

تفصیلات کے مطابق اسلام آباد میں پریس کانفرنس کرتے ہوئے وفاقی وزیر خواجہ سعد رفیق نے کہا کہ بلوچستان فلڈ ریلیف پر نکلے فوجی جوانوں کی مدد پر نکلے ہوئے ہیں، پاک فوج نے ہمیشہ اپنے پاکستانیوں کی مدد کی ہے، ملکی دفاع کیساتھ ساتھ ملکی میں قدرتی آفات میں ہمیشہ کھڑے رہتے ہیں، اللہ پاک ان کے درجات بلند عطا فرمائے، ہم اُن کے اہل خانہ کے غم میں برابر کے شریک ہیں۔

انہوں نے کہا کہ پاکستان ریلوے نے بڑے اسٹیشنز پر ریلیف کیمپ قائم کردیے ہیں، عوام جو بھی امدادی سامان ریلوے سینٹرز تک پہنچائیں ہم مقامی حکومت تک پہنچائیں گے، ریلوے کے گریڈ 17 سے 22 کے افسران اپنی ایک دن کی تنخواہ عطیہ کریں گے۔

یہ بھی پڑھیں:

امپورٹڈ ٹولہ ملک اور قوم کو بہت بھاری پڑ رہا ہے، شہباز گل

خواجہ سعد رفیق نے کہا کہ لاہور میں نذیر چوہان کی گرفتاری ایسے ہوئی جیسے کسی دہشت گرد کی گرفتاری ہوئی ہو، عدالت جیسے دوسروں کے لیے رات کھڑے ہوئی تھی تو نذیر چوہان کے لیے بھی نکلنا چاہیے، آپ نذیر چوہان واقعے کو لانگ مارچ والے واقعے سے نہ جوڑیں، آپ اگر لانگ مارچ میں وفاق پر چڑھائی کررہے ہوں تو ریاست آرام سے نہیں بیٹھ سکتی۔

اُن کا مزید کہنا تھا کہ یہ میں آپ کو ثابت کرسکتا ہو کہ عمران خان پر شیطانی طاقتیں اترتی ہیں، جس کے اپنے دماغ میں گند ہو وہ دوسروں کے ساتھ وہی کرتا ہے، انہیں موقع ملا انہوں نے آئین توڑا، اسپیکر اور صدر سمیت انہوں نے آئین توڑا عدالتوں کے فیصلے موجود ہیں۔

وفاقی وزیر نے کہا کہ پچھلے چار سال کی پاکستان میں انکی حکمرانی تھی، معیشت کو آپ وینٹی لیٹر پر چھوڑ کرگئے، چار سالوں میں آپ کی حکومت نے دُگنا قرض لیا، آپ کے گناہ ہمارے سر پڑھ گئے کیونکہ ہم نے آپ کو آئینی طریقے سے ہٹایا۔

خواجہ سعد رفیق کا کہنا تھا کہ ممنوعہ فنڈنگ کیس میں حکومت آئین و قانون کے مطابق اپنا کردار ادا کرے گی، وہ بھارتی امریکن اور امارات کے شہری آپ کو کیوں پیسہ دیا کرتے تھے، آپ لوگوں کو گندی زبان سے گالیاں دیا کرتے تھے، غیر ملکی شہری اور کمپنیاں آپ کو کیوں پیسے بھیجوا رہے تھے۔

وفاقی وزیر نے کہا کہ پرجیکٹ عمران کا پہلا ہدف سی پیک منصوبہ تھا، اور انہوں نے آتے ہی اس کو رول بیک کردیا۔