گوگل نیوز پر ہمیں فالو کریںخیبرپختونخوا کے ضلع نوشہرہ کے علاقے رسالپور میں خاتون نے آشنا سے بیٹے اور شوہر کو قتل کروادیا۔
کے پی کے پولیس نے رشکئی بازار کے کاشف تکہ فروش اور اس کے والد کے اندھے قتل کیس کا معما حل کردیا۔ تفتیش میں یہ بات سامنے آئی کہ سگی ماں نے آشنا کے ذریعے اپنے شوہر اور بیٹے کو قتل کروایا۔
پولیس کے مطابق دہرے اندھے قتل کا مقدمہ مقتول کے بھائی ارباز خان کی مدعیت میں درج کیا گیا۔ جس میں بتایا گیا تھا کہ رشکی بازار میں میرا بھائی کاشف تکے فروخت کرتا تھا۔
بین الصوبائی گیمز میں 163تمغوں کیساتھ پنجاب آگے، باقی صوبوں کی کیا پوزیشن رہی؟
وہ والد سلیم خان کے ساتھ کام ختم کر کے واپس آرہا تھا کہ نامعلوم افراد نے دونوں پر اندھا دھند فائرنگ کی جس کے نتیجے میں وہ زخمی ہوئے اور پھر اسپتال پہنچ کر دم توڑ گئے تھے۔
درخواست گزار نے بتایا تھا کہ ہماری کسی سے کوئی دشمنی نہیں۔ ایف آئی آر میں نامعلوم ملزمان کو نامزد کیا گیا تھا۔
ضلعی پولیس سربراہ محمد اظہر خان نے نسیم خان ایس ڈی پی او رسالپور سرکل کی میں اشفاق خان کو اس اندھے قتل کیس کے اصل حقائق منظر عام پر لانے اور ملزمان کی گرفتاری اور آلہ قتل کی برآمدگی کا ٹاسک سونپا۔
تفتیشی ٹیم نے اس اندھے قتل کیس واردات میں مقتول کی بیوی فہمیدہ کو شامل تفتیش کیا جس نے دوران تفتیش تمام حقائق سے پردہ فاش کرتے ہوئے کہا کہ میرے شکیل ولد اسرار ساکن رشکئی کے ساتھ تعلقات تھے اور ان مراسم میں میرا شوہر آڑے آرہا تھا۔
ملزمہ نے بتایا کہ ہم نے صلاح مشورہ کیا اور شوہر کو درمیان سے ہٹانے کا فیصلہ کیا اور پھر موقع ملتے ہی آشنا نے فائرنگ کردی جس میں میرا شوہر اور بیٹا جاں بحق ہوا۔
گرفتار ملزمہ فہمیدہ نے مقامی عدالت کے روبرو اقبال جرم کرلیا ہے، اعتراف جرم کے بعد پولیس دیگر ملزمان کی گرفتاری کیلیے چھاپے مار رہی ہے۔
