کراچی میں ڈینگی اور ملیریا بھی کمائی کا ذریعہ بن گیا، مریض پریشان

شہر قائد میں ڈینگی اور ملیریا کو بھی کمائی کا ذریعہ بنالیا گیا، نجی اسپتال اور لیبارٹریز ٹیسٹ کی من مانی قیمتیں وصول کرنے لگے۔

کراچی میں ملیریا اور ڈینگی کے کیسز میں اضافے کے بعد نجی اسپتال اور لیبارٹریز کی انتظامیہ نے مریضوں سے ٹیسٹ کی من مانی قیمت وصول کرنا شروع کردی ہے جس سے مریضوں کے مسائل میں بے انتہا اضافہ ہورہا ہے۔

ڈینگی اور ملیریا کے شکار شہری 1600 والے ٹیسٹ کے 3 سے 6 ہزار روپے ادا کرنے پر مجبور ہیں، جبکہ انتظامیہ کی جانب سے کوئی ایکشن نہیں لیا جا رہا۔

  شہریوں نے حکومت سے مطالبہ کیا ہے کہ نجی اسپتالوں اور لیبارٹریز کے خلاف فی الفور ایکشن لیا جائے تاکہ مریض کے علاج و معالجے میں کچھ آسانی آسکے۔

واضح رہے حکومت نے ڈینگی این ایس ون کی قیمت 850، سی بی سی کی 250 اور آئی سی ٹی ملیریا کے ٹیسٹ کی قیمت 500 روپے مقرر کی تھی، جس کا اطلاق 15 ستمبر سے آئندہ 3 ماہ کے لئے کیا گیا تھا۔