کرناٹک میں جنونی ہندو آپے سے باہر، مسجد کے باہر دیوتا کا جشن

بنگلور: بھارتی ریاست کرناٹک میں جنونی ہندو آپے سے باہر ہوگئے، مسجد کے باہر دیوتا کے یوم پیدائش کا جشن منایا گیا، اس دوران ہلڑ بازی کی بلکہ لاؤڈ اسپیکر پر مسلمانوں کی نسل کشی پر اکسانے والے نغمے بھی چلائے گئے۔

بھارت میں ہندو دیوتا گنیش کا دس روزہ جنم دن کا جشن منایا جارہا ہے، جبکہ اس دوران گلی محلوں سے جلوس بر آمد کئے جارہے ہیں، ایسے میں جنونی ہندو جان بوجھ کر ایسے روٹ منتخب کررہے ہیں، جہاں مسلمان اکثریت میں ہوں اور راستے میں مساجد بھی آئیں۔

In India, local BJP leaders participate in a festival outside a mosque where DJ plays song with lyrics directed at Muslims: we will “drown the soil in your blood and put you in your place”@StateIRF @USAmbKeshap @USIBC pic.twitter.com/giJP9Hk601

— Mosharraf Zaidi (@mosharrafzaidi) September 12, 2022

ریاست کرناٹک میں یہ جلوس ایک مسجد کے مرکزی دروازے پر پہنچا تو جنونی ہندوؤں کی جانب سے جلوس کو جان بوجھ کر مسجد کے سامنے دیر تک ٹھہرایا گیا، اس دوران ایسے نغمے چلائے گئے جس میں مسلمانوں کی نسل کشی پر اکسایا جا رہا تھا اور ان کے قتل عام کا پیغام دیا جا رہا تھا۔

اس سارے عمل کے دوران جنونی ہندو ڈانس کرتے رہے اور ساتھ ہی نعرے بازی بھی کرتے رہے، مقامی مسلمانوں نے اپنی دکانیں بند اور گھر کے دروازے مقفل کرلیے اور انتہائی صبر اور برداشت کا مظاہرہ کرکے اشتعال انگیزی کی سازش ناکام بنادی۔

حکومت سے مسلم تنظیموں نے مطالبہ کیا ہے کہ امن و امان کے قیام کے لیے گنیش دیوتا کے جلوسوں کو مسلمان آبادی اور بالخصوص مساجد کے قریب سے گزرنے کے بجائے کوئی اور راستہ دیا جائے اور جنونی ہندوؤں کو لگام ڈالی جائے۔