گوگل نیوز پر ہمیں فالو کریںفیصل آباد میں ایک عورت کی جانب سے مبینہ طور پر نبوت کا دعویٰ کیے جانے کے بعد عوام میں شدید اشتعال پھیل گیا۔
سوشل میڈیا پر گردش کرتی ویڈیو اور مختلف افراد کی جانب سے کی جانے والی پوسٹوں کے مطابق فیصل آباد کے سٹی ہاؤسنگ کالونی سرگودھا روڈ کے علاقے کی ایک عورت نے مبینہ طور پر نعوذ باللہ آخری نبی ہونے کا دعوی کیا۔
مبینہ طور پر نبوت کا دعویٰ کرنے والی عورت کی کئی ویڈیوز سوشل میڈیا پر زیر گردش ہیں، جن میں وہ مذہبی حوالے سے کچھ دعوے کرتی دکھائی دیتی ہے۔
ایک ویڈیو میں عورت مبینہ طور پر خود کو نبی اور اپنے بیٹے کے مہدی ہونے کا دعویٰ کرتی نظر آتی ہے۔
ذرائع ابلاغ کے مطابق یہ ویڈیوز سوشل میڈیا پر آنے کے بعد عوام میں شدید غم و غصے کی لہر دوڑ گئی۔ بتایا جاتا ہے کہ بعد ازاں تحریک لبیک کی درخواست پر علاقہ پولیس نے اس عورت کو گرفتار کرلیا ہے۔
