عمران نیازی نے دوست ممالک کے ساتھ تعلقات کو شدید نقصان پہنچایا، وزیر اعظم

اسلام آباد:وزیر اعظم شہباز شریف کا کہنا ہے کہ عمران نیازی نے ملک کے عالمی وقار اور مقام اور دوست ممالک کے ساتھ اس کے تعلقات کو شدید نقصان پہنچایا۔

وزیر اعظم پاکستان شہباز شریف نے سماجی رابطے کی ویب سائٹ ٹویٹر پر اپنے ایک بیان میں کہا کہ عمران نیازی یادداشت کی کمی کا شکار ہیں، ان کوچند یاد دہانیوں کی ضرورت ہے۔

Three, Imran Niazi deeply hurt the global prestige & standing of the country & its relations with friendly countries. Four, he has lost a sense of balance in his lust for power, which is evidenced by his habitual recourse to lies, propaganda & blatant twisting of facts.

— Shehbaz Sharif (@CMShehbaz) July 23, 2022

اُنہوں نے کہا کہ ٹرانسپیرنسی انٹرنیشنل کے مطابق عمران خان کے دور حکومت میں کرپشن میں اضافہ ہوا، بڑے گھپلوں کے علاوہ ٹرانسفر، پوسٹنگ بھی فروخت ہوتی رہی۔

وزیراعظم نے لکھا کہ پی ٹی آئی چیئر مین نے اقتدار کی ہوس میں توازن کا احساس کھو دیا ہے، عمران خان کا جھوٹ، پروپیگنڈہ اور حقائق اس کا ثبوت ہیں۔

وزیر اعظم شہباز شریف نے کہا کہ سابق وزیر اعظم عمران خان نے معیشت کو اتنا تباہ کر دیا کیا کہ قیمت عوام ادا کر رہے ہیں، عمران نیازی نے ملک کے عالمی وقار اور مقام اور دوست ممالک کے ساتھ اس کے تعلقات کو شدید نقصان پہنچایا۔