گوگل نیوز پر ہمیں فالو کریںاسلام آباد: وزیرِ اعظم پاکستان عمران خان نے گورنر سندھ عمران اسماعیل کا کورونا وائرس ٹیسٹ مثبت آنے پر دُعا کی ہے کہ اللہ تعالیٰ انہیں وائرس سے جنگ کیلئے طاقت و ہمت عطا فرمائے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم پاکستان عمران خان نے کہا کہ میں گورنر سندھ عمران اسماعیل کیلئے دُعا کررہا ہوں کہ وہ جلد کورونا وائرس سے صحتیاب ہوجائیں۔
وزیرِ اعظم عمران خان نے دُعا کی کہ گورنر سندھ کو کورونا وائرس جیسے موذی مرض سے نجات دے اور وائرس سے جنگ کیلئے طاقت عطا کرے تاکہ گورنر سندھ جلد صحتیاب ہوں اور ملک و قوم کی خدمت کرسکیں۔
Praying for Governor Imran Ismail's speedy recovery from COVID19. May Allah grant him the strength to fight this.
— Imran Khan (@ImranKhanPTI) April 28, 2020
دوسری جانب گورنر سندھ عمران اسماعیل بھی خاموش نہ رہ سکے اور وزیرِ اعظم کے ٹوئٹر پیغام پر ردِ عمل دیتے ہوئے عمران خان سمیت وفاقی کابینہ کے تمام ممبران کا شکریہ ادا کیا۔
ٹوئٹر پر اپنے پیغام میں گورنر سندھ عمران اسماعیل نے کہا کہ میں وفاقی کابینہ کے تمام ممبران، دوستوں اور اہلِ خانہ کا شکر گزار ہوں جو میری صحت کیلئے تشویش کا اظہار کر رہے ہیں۔
گورنر سندھ عمران اسماعیل نے کہا کہ میں خاص طور پر وزیرِ اعظم پاکستان عمران خان، صدرِ مملکت ڈاکٹر عارف علوی، وزیرِ اعلیٰ سندھ مراد علی شاہ، وزیرِ اعلیٰ پنجاب سردار عثمان بزدار اور تمام صوبوں کے گورنرز کا شکر گزار ہوں۔
کورونا وائرس کا ٹیسٹ مثبت آنے کے بعد عوام کو اپنی صحت پر آگاہی دیتے ہوئے گورنر سندھ عمران اسماعیل نے کہا کہ اللہ کا کرم ہے کہ میری صحت اچھی ہے اور میں خوشگوار محسوس کر رہا ہوں۔
I am thankful to all the cabinet members, friends & family who showed their concern regarding my health. Specially PM Khan @ImranKhanPTI President @ArifAlvi CM Sindh @MuradAliShahPPP CM Punjab @UsmanAKBuzdar and all Governors. I am in good health & spirit Alhamdollilah.
— Imran Ismail (@ImranIsmailPTI) April 28, 2020
