گوگل نیوز پر ہمیں فالو کریںاسلام آباد: عدالت چیئرمین پی ٹی آئی عمران خان کو نااہل کرنے کا الیکشن کمیشن کا فیصلہ چیلنج کرنے سے متعلق تحریکِ انصاف کی درخواست پر سماعت آج کرے گی۔
تفصیلات کے مطابق عمران خان کی نااہلی کے خلاف درخواست کی سماعت آج اسلام آباد ہائیکورٹ میں ہوگی۔ چیف جسٹس ہائیکورٹ جسٹس اطہر من اللہ نااہلی سے متعلق کیس کی سماعت کریں گے۔
پی ٹی آئی ارکان کے استعفوں کے متعلق چودھری سرور کا دعویٰ
الیکشن کمیشن آف پاکستان نے چیئرمین پی ٹی آئی عمران خان کو توشہ خانہ ریفرنس کے تحت نااہل قرار دیا تھا۔ اسلام آباد ہائیکورٹ میں دائر درخواست میں عمران خان نے نااہلی کا فیصلہ کالعدم قرار دینے کی استدعا کی۔
قبل ازیں اسلام آباد ہائیکورٹ نے سابق وزیر اعظم عمران خان کی نااہلی کے خلاف درخواست پیر کو سماعت کیلئے مقرر کردی ہے۔ سماعت 22 اکتوبر کو کرنے کی استدعا مسترد کردی گئی۔
چیئرمین پی ٹی آئی عمران خان نے وکیل بیرسٹر علی ظفر کے توسط سے اسلام آباد ہائیکورٹ میں الیکشن کمیشن کے اپنی نااہلی سے متعلق فیصلے کو چیلنج کرتے ہوئے عدالت سے استدعا کی کہ درخواست آج ہی سماعت کیلئے مقرر کی جائے۔
ہائیکورٹ کا ریمارکس دیتے ہوئے کہنا تھا کہ عمران خان کی نااہلی سے متعلق الیکشن کمیشن کے فیصلے کے خلاف درخواست پر سماعت آج نہیں ہوگی۔ رجسٹرار آفس نے بھی عمران خان کی جانب سے دائر درخواست پر اعتراضات عائد کیے تھے۔
