عمران خان نے جھوٹ بولنے میں پی ایچ ڈی کی ہوئی ہے۔شرجیل میمن

کراچی: وزیرِ اطلاعات سندھ شرجیل انعام میمن نے کہا ہے کہ چیئرمین پی ٹی آئی عمران خان نے جھوٹ بولنے میں پی ایچ ڈی کی ہوئی ہے۔ وہ حج کے مقدس دن پر بھی جھوٹے الزامات لگاتے رہے۔

تفصیلات کے مطابق اپنے ایک بیان میں صوبائی وزیر شرجیل انعام میمن نے کہا کہ عمران خان حج کے مقدس دن پر بھی جھوٹ اور الزامات سے باز نہیں آئے۔ سابق وزیر اعظم نے کرپشن اسکینڈلز بند کروائے۔

یہ بھی پڑھیں:

پی پی پی کے رہنما طاہر مشہدی علالت کے باعث انتقال کر گئے

سابق وزیر اعظم پر تنقید کرتے ہوئے شرجیل انعام میمن نے کہا کہ عمران خان نے مالم جبہ بلین ٹری اور نیب کے میگا کرپشن اسکینڈلز بند کروادئیے۔ عمران خان وہ شخص ہے جس نے اپنے محسنوں سے بھی دغابازی کی۔

واضح رہے کہ چیئرمین پی ٹی آئی نے گزشتہ روز جلسے سے خطاب کرتے ہوئے حکومت کو آڑے ہاتھوں لے لیا تھا۔ صوبائی وزیر شرجیل انعام میمن نے کہا کہ عمران خان کا واویلا احتساب سے بچنے کی کوشش ہے۔ 

یاد رہے کہ اس سے قبل وزیر اطلاعات سندھ شرجیل انعام میمن نے کہا  کہ پی ٹی آئی کا بیانیہ جھوٹا ہونے پر آئی ایس پی آر کا بیان حرف آخر ہے۔تحریکِ انصاف والے جھوٹا بیانیہ مسترد ہونے پر برہم کیوں ہیں؟

گزشتہ ماہ شرجیل انعام میمن کا کہنا تھا کہ پی ٹی آئی کے جھوٹے بیانیے کو ادارے کیسے درست کہیں؟ سب کو علم ہے سازش والا خط کس نے لکھوایا۔ جھوٹ کو زبردستی سچ نہیں بنایا جاسکتا۔