گوگل نیوز پر ہمیں فالو کریںلاہور: چیئرمین پی ٹی آئی نے نگراں حکومت کے پھیلائے ہوئے جال سے بچ نکلنے کی ہدایت کردی، سابق وزیر اعظم عمران خان نے لاہور سے آج نکلنے والی انتخابی ریلی ایک بار پھر مؤخر کردی ہے۔
سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ محسوس ہوتا ہے کہ نگراں حکومت نے دفعہ 144 غیر قانونی طور پر صرف پی ٹی آئی کی انتخابی ریلی پر نافذ کی۔
عمران خان کا امریکی کانگریس رکن سے ٹیلیفونک رابطہ
ٹوئٹر پیغام میں عمران خان نے کہا کہ دیگر عوامی سرگرمیاں لاہور میں اسی طرح جاری و ساری ہیں۔ صرف زمان پارک کو کنٹینرز اور بھاری پولیس کی نفری سے گھیرنے کی کوشش کی گئی۔ واضح طور پر 8 مارچ کی کہانی دہرائی جارہی ہے۔
سابق وزیر اعظم عمران خان نے کہا کہ نگراں وزیر اعلیٰ محسن نقوی اور پولیس پی ٹی آئی سے تصادم چاہتے ہیں تاکہ ہمارے کارکنان اور قیادت کے خلاف مزید شرمناک مقدمات کا اندراج عمل میں لایا جاسکے۔
It seems again Sec 144 has been imposed illegally solely on PTI election campaign as all other public activities are ongoing in Lahore. Only Zaman Park has been surrounded by containers & heavy police contingent. Clearly, like 8 March, Punjab CM & police want to provoke clashes
— Imran Khan (@ImranKhanPTI) March 12, 2023
چیئرمین پی ٹی آئی عمران خان نے کہا کہ نگراں حکومت تمام تر کارروائی کو عام انتخابات ملتوی کرنے کیلئے ڈھال کے طور پر استعمال کرنا چاہتی ہے جبکہ الیکشن کا شیڈول جاری کردیا گیا ہے۔
عمران خان نے کہا کہ الیکشن شیڈول کے بعد کسی سیاسی سرگرمی پر دفعہ 144 کیسے نافذ کی جاسکتی ہے؟ تمام پی ٹی آئی کارکنان کو اس جال میں نہ پھنسنے کی ہدایت کرتا ہوں۔ ہم اپنی انتخابی ریلی کل تک کیلئے ملتوی کر رہے ہیں۔
