گوگل نیوز پر ہمیں فالو کریںعمران خان نے وکلا سے عوامی حقوق کے تحفظ کیلئے تحریک شروع کرنے کا مطالبہ کیا ہے۔چیئرمین پی ٹی آئی کا کہنا ہے کہ عوام کا حق ہے کہ وہ اپنے نمائندوں کا انتخاب خود کریں۔
سماجی رابطے کی ویب سائٹ ٹوئٹر پر اپنے پیغام میں چیئرمین تحریکِ انصاف عمران خان نے کہا کہ آئین کی حفاظت کرنا عدلیہ اور وکلا کا فرض ہے جس پر ہماری قوم کی ترقی منحصر ہے۔ ماہرینِ قانون عوامی حقوق کا تحفظ کریں۔
سپریم کورٹ بار کے سالانہ انتخابات کیلئے ووٹنگ، عاصمہ جہانگیر گروپ کامیاب
ٹوئٹر پیغام میں سابق وزیر اعظم عمران خان نے کہا کہ وکلا کو عوامی حقوق کے تحفظ کی تحریک شروع کرتے ہوئے اس کی قیادت کرنا ہوگی۔ ووٹ عوام کا بنیادی حق ہے، اپنے لیڈر کو منتخب کرنا اور اپنا مستقبل خود طے کرنا بھی عوام کا حق ہے۔
مسلم لیگ (ن) کی انتخابی مہم کا اعلان جلد ہوگا
چیئرمین پی ٹی آئی عمران خان نے کہا کہ عوام جس کو اپنا لیڈر منتخب کریں، وہ ثانوی حیثیت رکھتا ہے لیکن عوام کو اپنے نمائندوں کے انتخاب کا آئین میں درج بنیادی حق دیا جانا چاہئے۔ یہ ایک نازک موڑ ہے جہاں پاکستان دوراہے پر آکھڑا ہوا ہے۔
سابق وزیر اعظم عمران خان نے کہا کہ پاکستان جس دوراہے پر موجود ہے وہاں ہم اپنے نظامِ انصاف کی مسلسل تباہی و بربادی کو دیکھنے پر مجبور ہیں۔ اگر ہم نظامِ انصاف کے مکمل خاتمے کو روک دینا چاہتے ہیں تو ہمیں فوری اقدام اٹھانا ہوگا۔
𝐂𝐡𝐚𝐢𝐫𝐦𝐚𝐧 𝐈𝐦𝐫𝐚𝐧 𝐊𝐡𝐚𝐧 𝐜𝐨𝐧𝐯𝐞𝐲𝐞𝐝 𝐭𝐡𝐞 𝐟𝐨𝐥𝐥𝐨𝐰𝐢𝐧𝐠 𝐦𝐞𝐬𝐬𝐚𝐠𝐞 𝐭𝐡𝐫𝐨𝐮𝐠𝐡 𝐡𝐢𝐬 𝐟𝐚𝐦𝐢𝐥𝐲 𝐨𝐧 𝐖𝐞𝐝 𝟑𝟏𝐬𝐭 𝐎𝐜𝐭:
It is the fiduciary duty of the judiciary and the lawyers to protect the Constitution, upon which rests the progress of…
— Imran Khan (@ImranKhanPTI) November 1, 2023
عمران خان نے کہا کہ اگر آپ انصاف کیلئے نہ لڑے اور اپنے ججز کے پیچھے کھڑے نہ ہوئے تو قوم اِس ملک میں آئین و قانون کی بالادستی قائم نہیں کر سکے گی۔ نہ ہی طاقت کی اس حکمرانی کے خلاف کھڑا ہونا ممکن ہوگا جہاں صرف موزوں ترین اور امیر ترین لوگ ہی زندہ رہنے کے حقدار سمجھے جاتے ہیں۔
