عمران خان تمام تر کوششوں کے باوجود شکست کی دلدل میں پھنس رہے ہیں، خواجہ سعد رفیق

اسلام آباد: وفاقی وزیر ریلوے خواجہ سعد رفیق نے کہا ہے کہ چیئرمین پاکستان تحریک انصاف عمران خان تمام تر کوششوں کے باوجود شکست کی دلدل میں پھنس رہے ہیں۔

سماجی رابطے کی ویب سائٹ ٹوئٹر پر جاری اپنے پیغام میں خواجہ سعد رفیق نے کہا کہ نئے پاکستان کے بانی کی باڈی لینگوئج اور گفتگو ان کی بڑھتی ہوئی فرسٹریشن کو ظاہر کر رہی ہے، عمران تمام تر کوششوں کے باوجود شکست وریخت کی دلدل میں دھنس رہے ہیں۔

نئے پاکستان کے بانی کی باڈی لینگویج اورگفتگوانکی بڑھتی ھوئ فرسٹریشن کو ظاھر کر رھی ھے
سازش بہتان منافقت اورپروپیگنڈا کے کپتان تمام ترکوشش کے باوجود شکست وریخت کی دلدل میں دھنس رھے ھیں
مرضی کا سچ نہیں چلے گا حضور!
ھم سے چوروں کونکالنے کیلئےآپ نے اورآپکےسہولت کاروں نے بڑےکھیل کھیلے

— Khawaja Saad Rafique (@KhSaad_Rafique) January 5, 2023

عمران خان کو مخاطب کرتے ہوئے وفاقی وزیر ریلوے نے کہا کہ مرضی کا سچ نہیں چلے گا حضور، ہم سے چوروں کو نکالنے کیلئے آپ نے اور آپ کے سہولت کاروں نے بڑے کھیل کھیلے ہیں، سابقہ اسٹیبلشمنٹ پرالزام لگانے سے پہلے سابقہ سلیکٹڈ وزیراعظم 2014 کی دھرنا سازش،میاں نوازشریف کی نااہلی کا ناپاک کھیل اور2018 کے انتخابات چُرانے کی واردات کی تفصیلات قوم سے شئیر کریں۔

یہ بھی پڑھیں:

نیب ترامیم کیخلاف عمران خان کی درخواست سماعت کیلئے مقرر

رہنما مسلم لیگ ن نے کہا کہ بات تب بنے گی جب عمران کہانی آخر سے نہیں شروع سے شروع کریں گے جس کے وہ سب سے بڑے بینیفیشری ہیں۔