اداکار عمران اشرف کو برٹش کونسل نے اعزازی سفیر برائے علم مقرر کردیا

کراچی: ڈرامہ رانجھا رانجھا کردی میں بھولےکےکردار سے شہرت حاصل کرنےوالے اداکار عمران اشرف کو برٹش کونسل نے اعزازی سفیر برائے علم مقرر کردیا۔

عمران اشرف نے انسٹا گرام پر اپنی ایک تصویر مداحوں سے شیئر کی جس کے ساتھ انہوں نے کیپشن میں لکھا کہ میرے لیے فخر کی بات ہے کہ برٹش کونسل کی جانب سے مجھے علم کے پھیلاؤ کے لیے علم کا سفیر بنادیا گیا ہے۔

انہوں نے مزید لکھا کہ برٹش کونسل کا مقصد ملک کے پسماندہ بچوں کو تعلیم کی مدد سے روشن مستقبل دینا ہے،عمران اشرف کے مطابق وہ پر امید ہیں کہ 2020 تک عالمی مقاصد کے حصول میں کردار ادا کرسکیں۔

https://www.instagram.com/p/B6SqaIKF-ik/?utm_source=ig_web_button_share_sheet

واضح رہے کہ عمران اشرف اب تک فنی کیریئر میں شہناز، الف اللہ اور انسان، دل موم کا دیا اور رانجھا رانجھا کردی جیسے معروف ڈراموں میں اداکاری کے جوہر دکھا چکے ہیں۔

یہ بھی پڑھیں: مِس امریکا 2020 کا ٹائٹل ورجینیا کی بائیوکیمسٹ کمیل شریئر کے نام

اداکار اس وقت ‘کہیں دیپ جلے’ نامی ڈرامے میں اہم کردار نبھارہے ہیں،اس ڈرامے میں ان کے ہمراہ نیلم منیر اہم کردار نبھارہی ہیں۔