گوگل نیوز پر ہمیں فالو کریںاسلام آباد/واشنگٹن :آئی ایم ایف اور پاکستان نے اسٹینڈ بائی ارینجمنٹ کے تحت دوسرے اور آخری جائزے کے لیے عملے کی سطح پر ایک معاہدہ کرلیا ہے جس پر عملدرآمد آئی ایم ایف کے ایگزیکٹو بورڈ کی منظوری سے مشروط ہے۔
آئی ایم ایف کی جانب سے جاری کردہ اعلامیہ میں کہا گیا ہے کہ حتمی منظوری کے بعد پاکستان کو 1.1 بلین ڈالر تک رسائی حاصل ہو جائے گی، جو اگلے ماہ متوقع ہے۔
آئی ایم ایف کے مطابق پاکستان میں نئی کابینہ کی تشکیل کے بعد دوسرے جائزہ مشن کے وقت کو دیکھتے ہوئے ہم توقع کرتے ہیں کہ اپریل کے آخر میں آئی ایم ایف کے بورڈ کے ذریعہ جائزہ پر غور کیا جائے گا۔
آئی ایم ایف کا کہنا ہے کہ کہ یہ معاہدہ اسٹیٹ بینک آف پاکستان اور نگراں حکومت کی جانب سے حالیہ مہینوں میں مضبوط پروگرام کے نفاذ کے ساتھ ساتھ پاکستان کو استحکام سے مضبوط اور مستحکم کرنے کے لیے جاری پالیسی اور اصلاحات کی کوششوں کے لیے نئی حکومت کے ارادوں کو تسلیم کرتا ہے۔
