گوگل نیوز پر ہمیں فالو کریںاسلام آباد: نور مقدم قتل کیس میں اسلام آباد ہائی کورٹ نے مجرم ظاہر جعفر کی سزائے موت کے خلاف اپیلوں کو مسترد کردیا۔
نور مقدم قتل کیس میں اسلام آباد ہائی کورٹ نے اپیلوں پر فیصلہ سنا دیا، چیف جسٹس عامر فاروق اور جسٹس سردار اعجاز اسحاق خان نے محفوظ فیصلہ سنایا، عدالت نے مجرم ظاہر جعفر کی سزائے موت کو حکم برقرار رکھتے ہوئے ریپ چارجز پر بھی سزائے موت کا حکم دے دیا۔
واضح رہے کہ ٹرائل کورٹ نے نور مقدم قتل کے مقدمے میں مجرم ظاہر جعفر کو سزائے موت سنائی تھی جبکہ دو شریک مجرمان ملازمین جان محمد اور افتخار کو 10، 10 سال قید کی سزا سنائی تھی، ظاہر جعفر کے والدین ذاکر جعفر اور عصمت آدم جی سمیت مقدمے میں نامزد دیگر ملزمان کو بری کیا گیا تھا۔
مزید پڑھیں:خاتون جج کو دھمکی کا کیس: عدالت نے عمران خان کی استثنیٰ کی درخواست مسترد کردی
اسلام آباد ہائی کورٹ نے مجرم ظاہر جعفر کو 2 بار سزائے موت کا فیصلہ سنایا،عدالت نے زیادتی کے جرم میں 25 سال قید کی سزا بھی سزائے موت میں تبدیل کر دی، شریک مجرمان محمد افتخار اور جان محمد کی سزا کے خلاف اپیلیں بھی خارج کر دی گئی ہیں۔
