گوگل نیوز پر ہمیں فالو کریںاسلام آباد: اسلام آباد ہائی کورٹ نے جمعرات کو انسپکٹر جنرل آف پولیس (آئی جی پی) اسلام آباد کو سابق ایس اے پی ایم اور پاکستان تحریک انصاف (پی ٹی آئی) کے رہنما شہباز گل پر مبینہ تشدد کی تحقیقات کا حکم دے دیا۔
سابق وزیراعظم اور پی ٹی آئی چیئرمین کے چیف آف اسٹاف کو، جنہیں اسلام آباد پولیس نے گزشتہ ہفتے بغاوت کے مقدمے میں گرفتار کیا تھا، سیشن عدالت کے حکم کے بعد بدھ کو دیر گئے اسلام آباد پولیس کے حوالے کر دیا گیا تھا۔
اسلام آباد ہائی کورٹ کے قائم مقام چیف جسٹس جسٹس عامر فاروق نے پی ٹی آئی رہنما کے وکیل کی جانب سے پولیس حراست میں تشدد کا الزام لگانے کے کیس کی سماعت کی۔
سماعت کے دوران عدالت نے آئی جی اسلام آباد کو روسٹرم پر طلب کرتے ہوئے پوچھا کہ کیا شہباز گل کو پولیس حراست میں تشدد کا نشانہ بنایا گیا جس پر ان کا کہنا تھا کہ شہباز گل پر تشدد کے الزامات میں کوئی صداقت نہیں۔
عدالت نے آئی جی اسلام آباد کو تشدد کے دعوؤں کی تحقیقات کا حکم دے دیا۔
مزید پڑھیں:شہباز گل ابتدائی میڈیکل رپورٹس میں صحتمند قرار، ذرائع
