اسلام آباد: پاکستان پیپلز پارٹی کے چیئرمین بلاول بھٹو زرداری نے دعویٰ کیا ہے کہ وزیر اعظم عمران خان اپنی پارٹی کے ارکان اسمبلی کو عدم اعتماد میں ووٹ ڈالنے کے لیے روک رہے ہیں،اگر اپوزیشن کے پاس نمبرز پورے نہیں ہوتے تو وزیر اعظم اتنے پریشان کیوں ہوتے؟ اور وہ گالیوں پر کیوں اتر آتے؟، عمران خان کو ڈر نہیں تو عدم اعتماد کیلئے اجلاس بلائیں۔
انہوں نے کہا کہ پارلیمان میں کسی کو ووٹ ڈالنے سے روکنا آئین و قانون کی خلاف ورز ی ہے،چیف جسٹس آف پاکستان، چیف جسٹس آف اسلام آباد ہائیکورٹ اور چیف الیکشن کمشنر سے اپیل ہے کسی ممبر کو اپنا ووٹ ڈالنے سے روکا نہ جائے۔
پریس کانفرنس سے خطاب میں بلاول بھٹو زرداری نے وزیر اعظم پر الزامات لگاتے ہوئے کہا کہ وہ عمران خان صرف دھاندلی کرنا جانتے ہیں بلکہ وہ قانون کا احترام بھی نہیں کرتے۔
بلاول بھٹو زرداری نے ایک سوال کے جواب میں کہا کہ اگر اپوزیشن کے پاس نمبرز پورے نہیں ہوتے تو وزیر اعظم اتنے پریشان کیوں ہوتے؟ اور وہ گالیوں پر کیوں اتر آتے؟۔
پی پی چیئرمین کے مطابق جس طرح ہر پاکستانی کو ووٹ کاسٹ کرنے کا حق ہے، اسی طرح ہر رکن پارلیمنٹ کو عدم اعتماد میں ووٹ ڈالنے کا حق ہو اور یہ ان کا آئینی حق ہے۔بلاول بھٹو زرداری نے چیف جسٹس آف پاکستان، اسلام آباد ہائی کورٹ کے چیف جسٹس اور چیف الیکشن کمشنر سے اپیل کی کہ ہر رکن اسمبلی کو عدم اعتماد میں ووٹ ڈالنے کا حق دیا جائے۔
بلاول بھٹو زرداری نے کہا کہ پاکستانی قوم کا وزیر اعظم سے اعتماد اٹھ چکا ہے اور انہیں عوام کے عدم اعتماد کے چیلنج کا سامنا ہے۔انہوں نے کہاکہ ایک نئی حکومت آئے جسے عوام کا مینڈیٹ حاصل ہو اور وہ ملک کو مشکل حالات سے نکالے کیوں کہ جس کے پاس عوامی مینڈیٹ ہوگا، وہی ملک کو مشکل حالات سے نکالے گا۔
انہوں نے کہاکہ وزیر اعظم عمران خان ڈرے ہوئے ہیں جس وجہ سے وہ گالیوں پر اتر آئے ہیں،وہ غیر جمہوری شخص ہے،وہ میچ فکسڈ کرتے ہیں۔بلاول بھٹو زرداری نے کہا کہ وزیر اعظم کو پوری قوم کے عدم اعتماد کے چیلنج کا سامنا ہے اور ان کے نمبرز پورے نہیں ہو رہے۔
مزید پڑھیں: اپوزیشن اتحاد میں شامل ہوئے تو وزارتوں سے استعفیٰ دیدینگے، پرویز الٰہی