گوگل نیوز پر ہمیں فالو کریںفلم ساز کرن جوہر نے بدھ کے روز انسٹاگرام ابراہیم کی چند خاص تصاویر کے ساتھ ایک طویل نوٹ شیئر کر کے اس بات کا اعلان کیا ہے۔
کرن نے لکھا کہ سیف علی خان کے بیٹے ابراہیم اپنے مشہور والدین کے نقشِ قدم پر چلتے ہوئے فلمی دنیا میں قدم رکھنے جا رہے ہیں۔
View this post on Instagram
انہوں نے اپنی پوسٹ میں ان کے خاندان کی فنی صلاحیتوں کو سراہتے ہوئے کہا کہ فلمیں ان کے خون میں، ان کے جینز میں اور ان کے جنون میں شامل ہیں۔
ناکام محبت کے بعد کراچی میں پھنسی امریکی خاتون نے فلائٹ میں سوار ہونے سے انکار کر دیا
کرن جوہر نے لکھا کہ میں نے امریتا، یا جنہیں ان کے قریبی لوگ پیار سے ڈنگی کہتے ہیں، سے پہلی بار اس وقت ملاقات کی جب میں صرف 12 سال کا تھا۔ انہوں نے میرے والد کے بینر دھرما موویز کے لیے فلم دنیا کی، اور میں آج بھی ان کی باوقار شخصیت، انرجی اور کیمرے پر بے مثال گرفت کو یاد کرتا ہوں۔ لیکن سب سے زیادہ مجھے وہ شاندار چائنیز ڈنر یاد ہے جو انہوں نے مجھے اور اپنی ہیئر اسٹائلسٹ کو کروایا، جس کے بعد ہم نے ایک جیمز بانڈ فلم دیکھی! وہ پہلی ہی ملاقات میں مجھے اپنا سمجھنے لگیں، اور یہ ان کی شاندار شخصیت کی علامت تھی، جو آج بھی ان کے بچوں میں زندہ ہے۔
انہوں نے مزید لکھاکہ سیف سے میری پہلی ملاقات آنند مہندرُو کے دفتر میں ہوئی تھی۔ وہ نوجوان، باوقار، دلکش اور بے حد پُراعتماد تھے، بالکل ویسے ہی جیسے میں نے ابراہیم سے پہلی بار ملاقات کی تھی۔ اور خوش قسمتی سے، ہماری نسلوں کے درمیان قائم ہونے والی یہ دوستی، اب ہمارے بچوں تک پہنچ چکی ہے! میں اس خاندان کو 40 سالوں سے جانتا ہوں اور مختلف وقتوںمیں ان کے ساتھ کام کر چکا ہوں امریتا کے ساتھ دنیا، سیف کے ساتھ کل ہو نا ہو او رقربان، اور سارہ کے ساتھ سمبا، جس کے بعد مزید فلمیں بھی آئیں گی! یہ خاندان نہ صرف اپنے بڑے دل کی وجہ سے جانا جاتا ہے بلکہ ان کی محبت اور لگن بھی بے مثال ہے۔
