گوگل نیوز پر ہمیں فالو کریںکراچی: گورنر سندھ عمران اسماعیل نے کہا ہے کہ کورونا وائرس کے باعث میں قرنطینہ میں ہوں جہاں تمام سہولیات کے باوجود اکیلا پن محسوس ہو رہا ہے۔
سماجی رابطے کی ویب سائٹ ٹوئٹر پر اپنے پیغام میں گورنر سندھ عمران اسماعیل نے کہا کہ مجھے قرنطینہ کے دوران تنہائی کے دنوں میں سوچنے کا بہت وقت ملا ہے جس سے اندازہ ہوا کہ وہ لوگ جو قرنطینہ سے گزر رہے ہیں، کس کرب میں مبتلا ہیں۔
پیغام میں گورنر سندھ عمران اسماعیل نے کہا کہ قرنطینہ میں حکومت کی فراہم کردہ تمام تر سہولیات کے باوجود بھی اکیلا پن محسوس کرتا ہوں جبکہ اللہ تعالیٰ نے یقیناً یہ بیماری ہمیں کچھ سکھانے کے لیے دی ہے۔
گورنر سندھ عمران اسماعیل نے کہا کہ میں نے ہمیشہ مشکل حالات میں لڑنا سیکھا اور وزیرِ اعظم پاکستان عمران خان کی صورت میں ایک فائٹر کے ساتھ رہا، تاکہ ان سے رہنمائی حاصل کی جاسکے۔
قرنطینہ کے دوران سوچنے کا وقت ملا- اندازہ ہوا کہ وہ لوگ جو کہ اس سے گزر رہے ہیں کس کرب میں ہونگے۔ تمام تر سہولتوں کے باوجود بھی اکیلا پن محسوس کرتا ہوں۔ رب نے یقینا یہ بیماری کچھ سکھانے کے لیے دی ہے۔ میں نے ہمیشہ مُشکل حالات میں لڑنا سیکھا۔ ایک فایٹر @ImranKhanPTI گے ساتھ رہا
— Imran Ismail (@ImranIsmailPTI) April 30, 2020
