گوگل نیوز پر ہمیں فالو کریںمعروف اداکار ریان گوسلنگ کی نئی فلم دی فال گائے دیگر متعدد او ٹی ٹی پلیٹ فارمز کی طرح ایمازون پرائم ویڈیو پر بھی پیش کی جائے گی جو پاکستانیوں کیلئے قابلِ رسائی نہیں۔
ایکشن کامیڈی فلم جس میں ریان گوسلنگ اور ایملی بلنٹ اداکاری کرتے نظر آئے، رواں ماہ کے آغاز پر 3 مئی کو دنیا بھر کے سینما گھروں میں ریلیز کردی گئی تھی اور اب متعدد پاکستانی اس انتظار میں ہیں کہ فلم کب ایمازون پرائم یا نیٹ فلکس پر ریلیز کی جائے گی۔
پاکستانی ناظرین ایمازون پرائم کی طرح نیٹ فلکس کو بھی دیکھ سکتے ہیں۔ جولائی 2023 کے بعد ریان گوسلنگ کی یہ پہلی فلم ہوگی جبکہ ایملی نے اسی سال نیٹ فلکس کیلئے ایک فلم میں اداکاری کی تھی۔
دی فال گائے
فلم دی فال گائے میں ہیرو اسٹنٹ مین کولٹ کا کردار ادا کرتا ہے جس کی ایک فلم کی شوٹنگ کے دوران ہیرو کے غائب ہونے پر کولٹ معاملے کی تفتیش شروع کردیتا ہے جبکہ فلم کی عکس بندی مکمل طور پر بند کیے جانے کا خدشہ سر اٹھانے لگتا ہے۔
ہیرو اور ہیروئن کے علاوہ فلم میں ونسٹن ڈیوک، آرون ٹیلر جانسن، ہنا ویڈنگھم، اسٹیفنی اور ٹیریسا پامر نے اپنے اپنے کردار نبھائے ہیں۔ اوریجنل ٹی وی سیریز میں اداکاری کے جوہر دکھانے والے لی میجرز بھی دی فال گائے کا حصہ بن کر اداکاری کرتے نظر آئیں گے۔
اسٹریمنگ کی تاریخ
اپنی ریلیز کے 45 روز بعد 17 جون یا اس تاریخ کے بعد دی فال گائے ایمازون پرائم سمیت دیگر او ٹی ٹی پلیٹ فارمز پر نشر کی جائے گی۔ سینما گھروں میں یہ فلم دیکھنے والے لوگ بھی فلم کو اسٹریم کرسکیں گے۔
ایمازون پرائم ویڈیو پر یہ فلم 25 ڈالر میں خریدی اور 20 ڈالر میں کرائے پر لی جاسکتی ہے۔ اپنی ریلیز کے اگلے 18 روز میں دی فال گائے کے حقوق ڈیجیٹل پلیٹ فارمز کو فروخت کردئیے گئے تھے۔
