گوگل نیوز پر ہمیں فالو کریںعید ایک ایسا موقع ہوتا ہے جب پوری فیملی ساتھ بیٹھ کر وقت گزارنا پسند کرتی ہے، خاص طور پر عیدالاضحیٰ پر دوستوں اور فیملی میں تقریبات کا اہتمام کیا جاتا ہے جہاں پر لذیذ کھانے بنائے جاتے ہیں، جن سے سب لطف اندوز ہوتے ہیں۔
ایسے موقعوں پر جب سب اکٹھے ہوتے ہیں تو کسی ٹیلی فلم یا فلم کو دیکھنا پسند کرتے ہیں جس سے عید کے مزے کو اور دوبالا کیا جاسکے۔ اس عیدالاضحیٰ پر پاکستانی ڈرامہ انڈسٹری کی جانب سے کچھ تفریحی اور دلچسپ ٹیلی فلمیں پیش کی جارہی ہیں، جن کو آپ اپنی فہرست میں شامل کرسکتے ہیں۔
آج ہم نے چھ ایسی ٹیلی فلموں کی فہرست تیار کی ہے جنہیں آپ اپنے گھروالوں کے ساتھ بیٹھ کر دیکھ سکتے ہیں۔
1) کھل گئی قسمت
کھل گئی قسمت ایک مزاحیہ ٹیلی فلم ہے جو اے آر وائی ڈیجیٹل پر نشر کی جائے گی، جس میں جاوید شیخ، یاسر نواز، دانش نواز، صاحبہ ریمبو، اور منشا پاشا مرکزی کردار ادا کررہے ہیں۔
2) فخرو کی دولہنیا
عیدالاضحی کے موقع پر ٹیلی فلم فخرو کی دولہنیا جیو ٹی وی پر پیش کی جائے گی جس کو نوراں مخدوم نے لکھا ہے اور اس میں شہزاد شیخ اور مدیحہ امام نے مرکزی کردار ادا کیے ہیں۔
3) بڈھی گھوڑی لال لگام
یہ ٹیلی فلم انتہائی دلچسپ ہوگی کیونکہ اسے اداکار شہریار منور نے لکھا اور ڈائریکٹ کیا ہے۔ ٹیلی فلم جیو انٹرٹینمنٹ پر نشر ہوگی جس میں سیمی راحیل اور سلمان شاہد جیسے بڑے نام شامل ہیں۔
4) یہ تو 2 مچ ہوگیا
مذکورہ ٹیلی فلم کو ڈاکٹر یونس بٹ نے تحریر کیا ہے جو کہ جیو انٹرٹینمنٹ پر نشر ہوگی، ٹیلی فلم میں علیزے شاہ اور سعد قریشی مرکزی کردار ادا کریں گے۔
5) گڈ مارننگ ساسو ماں
&
گڈ مارننگ ساسو ماں ایک دلچسپ ٹیلی فلم ہوگی کیونکہ اس میں ثانیہ سعید، مدیحہ امام اور منیب بٹ مرکزی کردار ادا کررہے ہیں۔
6) مائنس ون
View this post on Instagram
مائنس ون کو ڈرامہ سیریل سنو چندا کی مصنفہ صائمہ اکرم چوہدری نے لکھا ہے اور اس کی ہدایت کاری کاشف سلیم نے کی ہے۔ ٹیلی فلم میں مایا خان، شمعون عباسی، شہزاد شیخ اور عائزہ اعوان مرکزی کردار ادا کررہے ہیں۔
