گوگل نیوز پر ہمیں فالو کریںرواں سال 3 مارچ کو 49 سینیٹرز ریٹائرڈ ہوجائیں گے، ان میں چیئرمین سینیٹ صادق سنجرانی بھی شامل ہیں۔
فہرست میں ڈپٹی چیئرمین مرزا خان آفریدی، اسحاق ڈار، رضا ربانی اور مشاہد حسین سید کا نام بھی شامل ہے۔
آئندہ ماہ ریٹائرڈ ہونے والے یہ سینیٹرز 2018 میں منتخب ہوئے تھے، ریٹائرڈ ہونے والوں میں سب سے زیادہ تعداد پاکستان پیپلز پارٹی کے سینیٹرز کی ہے، آئیے دیکھتے ہیں کس جماعت کے کتنے سینیٹر ریٹائر ہو رہے ہیں؟
مارچ میں پی پی کے 12، مسلم لیگ ن کے11، پی ٹی آئی کے 8، جے یو آئی اور اے این پی کے 2،2 سینیٹر ریٹائر ہوں گے۔
اس کے علاوہ ریٹائرہونے والوں میں ایم کیو ایم، پی ایم اے پی، جماعت اسلامی اور مسلم لیگ فنکشنل کا ایک ایک سینیٹر شامل ہوگا۔
خیبرپختونخوا اور پنجاب سے 10،10 اورسندھ سے 13 سینیٹر، بلوچستان سے 10، اسلام آباد سے 2 اور ضم اضلاع سے 4 سینیٹرز ریٹائر ہوں گے۔
