کس کی کتنی شادیاں؟، پاکستانیوں کی کمپنیوں کے بعد بیویاں بھی آف شور

اسلام آباد: پاکستانی شہریوں کی آف شور کمپنیوں اور اثاثوں کے بعد آف شور بیویاں بھی سامنے آنے لگیں، خفیہ بیویوں کا معاملہ پارلیمنٹ پہنچ گیا۔

وزیراعظم کی معاون خصوصی ڈاکٹر ثانیہ نشتر نے سینیٹرنصیب اللہ بازئی کی زیر صدارت سینیٹ کی قائمہ کمیٹی تخفیف غربت کے اجلاس میں بریفنگ دیتے ہوئے بتایا کہ ڈیٹا تجزیئے کے دوران کئی لوگوں کی ڈکلیئر نہ کی گئی دو بیویاں سامنے آگئیں، ہم سر پکڑ کر رہ گے کس کو ریلیف دیں، نام ظاہر نہیں کیے۔

مزید پڑھیں:پاکستانی نوجوان کی 3 بیویاں 1 گھر میں مقیم، بیگمات کی مل کرچوتھی کی تلاش جاری

ڈاکٹر ثانیہ نشتر کے مطابق احساس کے پہلے مرحلے میں 1 کروڑ 48 لاکھ سے زائد مستحقین میں 179 ارب روپے سے زائد تقسیم کئے گئے، احساس کیش پروگرام کے دوسرے مرحلے کیلئے 48 ارب روپے رکھے گئے ہیں، 28 لاکھ 70 ہزار سے زائد افراد میں 34 ارب 55 کروڑ تقسیم کئے گئے ۔

واضح رہے کہ پاکستان میں گزشتہ چند برسوں سے آف شور کمپنیوں کے حوالے سے نت نے انکشافات کا سلسلہ جاری ہے تاہم شہریوں کی جانب سے خفیہ رکھی جانیوالی بیویوں کا معاملہ سامنے آنے کے بعد عوام کو دلچسپ ردعمل آیا ہے۔