دعا زہرہ کا نکاح کیسے ہوا؟ ویڈیو منظرِ عام پر آگئی

کراچی سے لاہور جاکر شادی کرنے والی دعا زہرہ اور اس کے شوہر ظہیر احمد کے نکاح کی ویڈیو منظرِ عام پر آگئی۔

سوشل میڈیا پر سامنے آنے والی اس ویڈیو میں دیکھا جاسکتا ہے کہ ظہیر اور دعا ایک صوفے پر بیٹھے ہیں جب کہ ویڈیو میں نکاح خواں  کے نکاح پڑھانے کی آواز آرہی ہے۔

سوشل میڈیا پر وائرل ہونے والی اس ویڈیو پر صارفین اپنے خیالات کا اظہار بھی کررہے ہیں۔

سوشل میڈیا صارفین نے دعا زہرہ کو سخت تنقید کا نشانہ بنایا اور اُس کے والدین کے لیے صبر کی دعا کی تو کسی نے ویڈیو منظرِ عام پر لانے والوں کو آڑے ہاتھوں لیا۔

یہ بھی پڑھیں:

مہنگائی کی ذمہ دار عمران نیازی کی حکومت تھی، خمیازہ اتحادی حکومت بھگت رہی ہے، وزیرِ خارجہ

واضح رہے کہ دعا کے والد مہدی کاظمی کی جانب سے سندھ ہائیکورٹ میں نئی درخواست دائر کی گئی ہے، جس میں انہوں نے ایک بار پھر ظہیر احمد پر بیٹی کو اغوا کرنے کا الزام  عائد کیا  ہے۔

مہدی کاظمی نے مؤقف اختیار کیا کہ جب دعا زہرہ کے اغوا کا واقعہ ہوا تو اس وقت دعا کی عمر 13 سال 11 ماہ اور 19 دن تھی، دعا زہرہ کی عمر سے متعلق نادرا دستاویزات، تعلیمی اسناد، پاسپورٹ اور برتھ سرٹیفکیٹ موجود ہے۔