گوگل نیوز پر ہمیں فالو کریںپنجاب حکومت کی جانب سے انتہائی اہم قدم اٹھاتے ہوئے عوام کی سہولت کے لیے وزیر اعلی مریم نواز کی جانب سے مفت ٹرانسپلانٹ پروگرام کا آغاز کردیا گیا ہے۔
چیف منسٹر ٹرانسپلانٹ پروگرام کے تحت عام آدمی کے لئے پانچ ٹرانسپلانٹ آپریشن بالکل مفت ہوں گے جس میں جگر، گردوں، بون میرو، کورنیا کی پیوندکاری سمیت پیدائشی طور پر سماعت سے محروم کمسن بچوں کے لئے کوکلیئر امپلانٹ بھی حکومت کرائے گی۔
چیف منسٹر پرانسپلانٹ پروگرام سے مستفید ہونے کے لئے پنجاب ہیومن آرگن ٹرانسپلانٹیشن اتھارٹی سے رجسٹرڈ ہونا ضروری ہے، رجسٹریشن کے بعد چیف منسٹر پرانسپلانٹ پروگرام کے تحت جگر، گردوں، بون میرو، کورنیا کی ٹرانسپلانٹیشن کرائی جا سکے گی۔
سرکاری اسپتالوں کےعلاوہ نجی ہسپتالوں سے بھی آرگن ٹرانسپلانٹ کرایا جاسکے گا، وزیر اعلیٰ پنجاب مریم نواز نے کہا کہ ٹرانسپلانٹیشن بہت پیچیدہ اور مہنگا پراسس ہے، جس کی وجہ سے عام آدمی افورڈ نہیں کرسکتا ہے، اب یہ فرض ریاست ادا کرے گی۔
