گوگل نیوز پر ہمیں فالو کریںسعودی عرب کے صوبے جازان میں حوثی باغیوں نے میزائل حملہ کردیا جس کے نتیجے میں 5 افراد زخمی ہوگئے جن میں سے دو کی حالت نازک ہونے کی وجہ سے ہلاکتوں کا خدشہ ظاہر کیا جا رہا ہے۔
سعودی میڈیا کے مطابق جازان میں شہری دفاع کے ترجمان کرنل محمد بن یحییٰ الغامدی نے میڈیا کو بتایا کہ صوبے جازان کا یمن کے قریب سرحدی علاقے میں حوثی باغیوں کا داغا گیا ایک میزائل گرا۔
ترجمان شہری دفاع کا کہنا ہے کہ میزائل ایک گاؤں پر گرا جس سے دو مکان، ایک جنرل اسٹور اور 3 کاروں کو شدید نقصان پہنچا ہے جب کہ 5 افراد زخمی ہوگئے ہیں۔ ملٹری پروجیکٹائل کے ٹکڑے لگنے سے زخمی ہونے والوں میں 3 سعودی اور 2 یمنی شہری شامل ہیں۔
کرنل محمد بن یحیی الغامدی نے مزید کہا کہ زخمیوں کو فوری طور پر طبی امداد کے لیے قریبی اسپتال منتقل کیا گیا ہے جہاں دو زخمیوں کی حالت نازک بتائی جارہی ہے۔
یہ بھی پڑھیں: بحری جہاز کے قریب دھماکہ،اسرائیل نے الزام ایران پر لگادیا
