حوثی باغیوں کا جدہ پر میزائل حملہ، پیٹرول تنصیبات میں آگ بھڑک اٹھی

سعودی عرب کے شہر جدہ میں یمن کے حوثی باغیوں کا تازہ حملہ سامنے آیا ہے جس کے نتیجے میں دو کنوؤں میں آگ لگ گئی۔

عرب میڈیا کے مطابق حوثی باغیوں نے جدہ میں تیل کی تنصیبات پرحملہ کیا جس کے نتیجے میں دوکنوؤں میں آگ لگ گئی اور حملے کے بعد زوردار دھماکہ بھی سنا گیا۔

سعودی حکام کا کہنا ہے کہ فائربریگیڈ کی بروقت کارروائی سے آگ  کوپھیلنے سے روک لیا گیا اور آگ پرقابو بھی پالیا گیا۔

دوسری جانب عرب اتحاد نے سعودی عرب کے مختلف علاقوں کونشانہ بنانے کی کوشش کرنے والے حوثی باغیوں کے 9 ڈرونز تباہ کردئیے۔

مزید برآں عرب اتحاد کی جانب سے جاری بیان کے مطابق حوثی باغیوں نے دھماکہ خیز مواد سے بھرے ڈرونز کے ذریعے سعودی عرب کے جنوبی، مشرقی اوروسطی علاقوں پرحملے کی کوشش کی جسے ناکام بنا دیا گیا تاہم مذکورہ حملے میں کوئی جانی نقصان نہیں ہوا۔

عرب اتحاد کا کہنا تھا کہ حوثی باغیوں کی کارروائیاں خطے اورعالمی امن کے لئے مسلسل خطرہ ہیں۔