گوگل نیوز پر ہمیں فالو کریںقاہرہ: مصر کے سابق صدر حسنی مبارک 92 برس کی عمر میں دارفانی سے کوچ کرگئے۔
مصر کے سابق صدر حسنی مبارک نے نہایت مشکل وقت میں فوج میں شمولیت اختیار کی تھی اور اعلیٰ عہدے تک پہنچے۔ حسنی مبارک نے تباہ حال مصری فضائیہ کی ازسر نو تشکیل میں اہم کردار ادا کیا تھا۔
حسنی مبارک 1981 سے 2011 تک مصر کے صدر رہے وہ سال 2011 میں عوامی احتجاج کے باعث اپنے عہدے سے مستعفیٰ ہو گئے تھے۔ سابق مصری صدر حسنی مبارک پر بدعنوانی کے الزامات تھے۔
حسنی مبارک پورے عرصہ اقتدار میں ملک میں ہنگامی حالت کے سہارے حکومت کرتے رہے جس کے تحت شہری آزادیاں سلب کر لی گئی تھیں جبکہ فوج اور سیکیورٹی اداروں کو اختیارات دے دیے گئے تھے۔
قاہرہ کا تحریر اسکوائر جمہوریت پسند لوگوں کو ٹھکانہ تھا، سابق مصری صدر کی جانب سے عوام کو خوش کرنے کے لیے بہت سے اقدامات کے گئے لیکن ان تمام اقدامات کا کوئی اثر نہ ہوا ۔
یہ بھی پڑھیں: افغانستان میں حملے، 4داعش دہشت گردوں سمیت 9افراد ہلاک ،متعدد زخمی
