گوگل نیوز پر ہمیں فالو کریںوزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ ملکی مفادات کے لیے سب ایک ہیں، امید ہے آرمی ایکٹ بل پارلیمان سے بھی منظور ہوجائے گا۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ آرمی ایکٹ بل کی قائمہ کمیٹی دفاع سے متفقہ منظوری قومی مفادات کے لیے سب کے ایک ہونے کا ثبوت ہے۔
معاونِ خصوصی اطلاعات فردوس عاشق اعوان نے کہا کہ قومی سلامتی اور ملکی مفاد کا تحفظ ہم سب کی اوّلین ترجیح ہے، امید ہے کہ اسی جذبے کا مظاہرہ پارلیمان میں بھی نظر آئے گا۔
آرمی ایکٹ بل کی قائمہ کمیٹی دفاع سے متفقہ منظوری اس امر کا ثبوت ہے کہ پاکستان کے مفادات کے لیے ہم سب ایک ہیں۔قومی سلامتی اور ملکی مفاد کا تحفظ سب کی اولین ترجیح ہے۔امید ہے اسی جذبے کا مظاہرہ آج پارلیمان میں بھی دکھائی دے گا۔
— Dr. Firdous Ashiq Awan (@Dr_FirdousAwan) January 7, 2020
ڈاکٹر فردوس عاشق اعوان نے کہا کہ خطے کی حالیہ صورتحال کے پیش نظر باہمی ہم آہنگی وقت کا اہم تقاضا ہے جبکہ پاکستانی قوم ہمیشہ اتحاد و یکجہتی سے ہر چیلنج سے نبرد آزما ہوتی آئی ہے۔
قومی اسمبلی سے آرمی ایکٹ بل کی منظوری کی امید ظاہر کرتے ہوئے فردوس عاشق اعوان نے کہا کہ اہم قومی معاملے پر سیاسی قوتوں کا یکساں مؤقف جمہوریت کی فتح ہے۔
خطے کی حالیہ صورتحال کے پیش نظر باہمی ہم آہنگی وقت کا اہم تقاضا ہے۔پاکستانی قوم ہمیشہ اتحاد اور یکجہتی سے ہر چیلنج سے نبرد آزما ہوتی آئی ہے۔اہم قومی معاملے پر سیاسی قوتوں کا یکساں موقف جمہوریت کی فتح ہے۔
— Dr. Firdous Ashiq Awan (@Dr_FirdousAwan) January 7, 2020
یاد رہے کہ اس سے قبل وزیر اعظم کی معاون خصوصی برائے اطلاعات فردوس عاشق اعوان نے خطے کی موجودہ کشیدہ صورتحال کے حوالے سے تبادلہ خیال کرتے ہوئے کہا ہے کہ پاکستان کے مفاد کی حفاظت کرنا ہماری ذمے داری ہے۔
انہوں نے دو روز قبل پیغام میں کہا کہ ایران ہمارا برادر اسلامی ملک اور ہمسایہ ہے ، دوست تو بدل سکتے ہیں ہمسائے نہیں بدلے جاسکتے ، ہمیں پاکستان کا مفاد سب سے زیادہ عزیز ہے۔
مزید پڑھیں: پاکستان کے مفاد کی حفاظت ہماری ذمہ داری ہے، فردوس عاشق اعوان
