گوگل نیوز پر ہمیں فالو کریںاسلام آباد: وزیرِ خارجہ شاہ محمود قریشی نے کہا ہے کہ مقبوضہ جموں و کشمیر اور فلسطین کی صورتحال یکساں ہے جبکہ عالمی برادری کو یقینی بنانا ہوگا کہ ظلم کی تاریخ دُہرائی نہ جائے۔
سماجی رابطے کی ویب سائٹ ٹوئٹر پر اپنے پیغام میں وزیرِ خارجہ شاہ محمود قریشی نے کہا کہ 11 جولائی کے روز آج سے ٹھیک 25 سال قبل سریبرینکا میں بوسنیا کے 8 ہزار مسلمانوں کا خون بہایا گیا اور 20 ہزار افراد کو نسلی تعصب کی بنیاد پر نشانہ بنایا گیا جس کے خلاف عالمی برادری کو اپنا کردار ادا کرنا ہوگا۔
وزیرِ خارجہ شاہ محمود قریشی نے کہا کہ عالمی برادری کی یہ ذمہ داری بنتی ہے کہ بوسنیا ہرزے گوینا میں ہونے والا ظلم و ستم دوبارہ نہ دُہرایا جائے جبکہ آج مقبوضہ جموں و کشمیر اور فلسطین میں مسلمانوں کے خلاف جو کچھ ہو رہا ہے، خوفناک انداز میں یکساں ہے۔
July 2020 marks 25 years since the #Srebrenica Massacre, the murder of over 8000 Bosnian Muslims & ethnic cleansing of over 20'000 people. The world has a collective responsibility to ensure history is not repeated. What is happening in #IOJK and #Palestine is chillingly similar.
— Shah Mahmood Qureshi (@SMQureshiPTI) July 11, 2020
یاد رہے کہ اس سے قبل اقوامِ متحدہ کے جنرل سیکریٹری انتونیو گوتریس نے کہا کہ بوسنیا ہرزےگوینا میں 25 سال قبل اقوامِ متحدہ اور عالمی برادری کی کاوشیں ناکام رہیں اور امن تباہ و برباد ہوا۔
ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ 25 سال قبل اقوامِ متحدہ اور عالمی برادری نے سریبرینکا نامی بوسنیا ہرزے گوینا کے علاقے میں عوام الناس کو ناکامی کا شکار کیا۔
مزید پڑھیں: بوسنیا میں اقوامِ متحدہ کی کاوشیں ناکام رہیں۔انتونیو گوتریس
