گوگل نیوز پر ہمیں فالو کریںکراچی: پاکستان سمیت آج دنیا بھر میں آج یوم حجاب منایاجارہا ہے ،یوم حجاب منانے کا آغاز 4 ستمبر 2004 کو اس وقت ہوا جب فرانس نے حجاب پر پابندی کا قانون منظور کیا۔
امت مسلمہ کے جید علما کرام کے متفقہ فیصلے سےیوم حجاب ہر سال یکم فروری کو منایا جاتا ہے،اس دن کو منانے کا مقصد اُن خواتین سے اظہار یکجہتی کرنا ہے جنہوں نے اپنی زندگی میں حجاب کو لازم و ملزوم بنالیا ہے۔
اس دن کی مناسبت سے مختلف تنظیموں کے زیر اہتمام تقریبات کا انعقاد کیا جارہا ہے جس میں حجاب کی اہمیت، افادیت پر تفصیلی روشنی ڈالی جائے گی۔
سوشل میڈیا کے ذریعے بھی حجاب کی افادیت کو واضح کرتے ہوئے خواتین کو پردہ کرنے کی رغبت دلائی جارہی ہے،عالمی یوم حجاب کے موقع پر مذہبی قائدین نے خواتین سے اپیل کی ہے کہ اس اہم دن کی مناسبت سے اپنا کردار کریں۔
اسلام نے حجاب کے ذریعہ خواتین کو ایک ممتاز مقام عطا کیا ہے اور یہ ایک اسلامی شعار ہے جو خواتین کی عصمت کی حفاظت اور ہر طرح کے گناہ سے بچاتا ہے۔
یہ بھی پڑھیں: بل گیٹس کی بیٹی جنیفر گیٹس نے اپنے مصری دوست سے منگنی کرلی
