آپ کو اپنا موبائل چوروں اور ڈکیتوں سے بچانا ہے تو اس کیلئے آپ کو پاکستان کی معروف اداکارہ حبا بخاری کا وظیفہ ٹرائی کرنا چاہئے۔
سوشل میڈیا پر حبا بخاری کی ایک ویڈیو نے سب کی توجہ حاصل کی ہے، جس میں وہ دلچسپ انکشاف کرتی دکھائی دیتی ہیں۔
اداکارہ کسی تقریب میں گفتگو کرتی دکھائی دیتی ہیں، جس کے دوران وہ ہنستے مسکراتے ہر نماز کے بعد اپنے ایک خاص عمل اور معمول کا ذکر کرتی ہیں۔
حبا بخاری کھلکھلاتے ہوئے بتاتی ہیں کہ میں ہر نماز کے بعد اپنے موبائل فون پر پھونک مارتی تھی۔ یہ کہتے ہوئے حبا بخاری بے تحاشا ہنستی ہیں۔
اداکارہ اپنے اس معمول کے متعلق مزید بتاتی ہیں کہ یہ عادت اور معمول دیکھ کر ہر کوئی مجھ سے پوچھتا تھا کہ میں ایسا کیوں کرتی ہوں۔ پھر اداکارہ مسکراتے ہوئے کہتی ہیں اس کی وجہ یہ ہے کہ دیکھیں سب کے فون چوری ہو رہے ہیں، مگر میرا فون نہیں چوری ہو رہا۔
اداکارہ کے اس دلچسپ انکشاف پر حاضرین محفل بھی ہنسے بغیر نہیں رہ سکے، جبکہ سوشل میڈیا صارفین بھی اس ویڈیو پر دلچسپ تبصرے کرتے دکھائی دے رہے ہیں۔