گوگل نیوز پر ہمیں فالو کریںپاکستانی اداکارہ حبا بخاری نے نعتِ رسول ﷺ میں تو پنجتن کا غلام ہوں پیش کرکے سماں باندھ دیا جسے سننے والے سوشل میڈیا صارفین اور مداحوں نے انہیں خراجِ تحسین سے نوازا ہے۔
تفصیلات کے مطابق میں تو پنجتن کا غلام ہوں نامی نعت پہلے ہی عوام میں خاصی مقبول ہے جسے فصیح الدین سہروردی سمیت متعدد معروف نعت خواں پڑھ چکے ہیں جس کے بعد حبا بخاری نے یہ نعت سنا کر خوب داد سمیٹی۔
حال ہی میں اداکارہ حبا بخاری نادیہ یاسر کے شو میں جلوہ گر ہوئیں جہاں مختلف سوال وجواب اور باہمی دلچسپی کے امور پر گفتگو ہوئی۔ بعد ازاں اداکارہ حبا بخاری نے روح پرور نعت میں تو پنجتن کا غلام ہوں سنائی۔
View this post on Instagram
اداکارہ حبا بخاری نے کہا کہ جب پہلی بار مجھے اسٹیج پر پرفارمنس کا موقع ملا تو میں نے ایک نعت پڑھی تھی۔ عوام کی بڑی تعداد نے حبا بخاری کی نعت پر انہیں تعریفی کلمات اور اظہارِ تحسین سے نوازا اور مختلف انداز سے اپنے الفاظ میں ان کی تعریف کی ہے۔
یہ بھی پڑھیں: ہانیہ عامر کاحوصلہ افزائی اور ٹرول کرنیوالوں کیلئے بھی پیار کا اظہار
