گوگل نیوز پر ہمیں فالو کریںملتان کرکٹ اسٹیڈیم میں آج پاکستان اور ویسٹ انڈیز کے درمیان پہلے ٹیسٹ میچ کا آغاز ہو رہا ہے، یہ میچ دو میچوں پر مشتمل تاریخی ٹیسٹ سیریز کا حصہ ہے، جو ویسٹ انڈیز کی پاکستان میں تقریباً دو دہائیوں بعد واپسی کی علامت ہے۔ ویسٹ انڈیز نے آخری بار 2006 میں پاکستان کا دورہ کیا تھا جس کے بعد یہ سیریز ملکی کرکٹ کی تاریخ میں ایک اہم موقع بن چکی ہے۔
پاکستان کی ٹیم کا اعلان
پاکستان نے پہلے ٹیسٹ کے لیے اپنی حتمی الیون کا اعلان کر دیا ہے۔ ٹیم کی قیادت شان مسعود کریں گے جبکہ نوجوان بلے باز محمد حریرہ صائم ایوب کے زخمی ہونے کی وجہ سے اوپننگ کریں گے۔
پاکستان کی ٹیم:
شان مسعود (کپتان)،محمد حریرہ، بابر اعظم، کامران غلام،سعود شکیل ،محمد رضوان (وکٹ کیپر)،سلمان علی آغا، ساجد خان،نعمان علی، خرم شہزاد، ابرار احمدپر مشتمل ہوگی۔
پچ کی صورتحال کے پیشِ نظر ٹیم میں اسپنرز کا اہم کردار ہوگا۔ پاکستان نے نعمان علی، ساجد خان اور ابرار احمد جیسے اسپنرز شامل کیے ہیں جبکہ خرم شہزاد واحد فاسٹ باؤلر ہوں گے۔
میچ دیکھنے کے طریقے
اگر آپ اس تاریخی میچ کو اسٹیڈیم میں نہیں دیکھ سکتے تو پریشان ہونے کی ضرورت نہیں۔ یہ میچ مختلف ٹی وی چینلز اور آن لائن اسٹریمنگ پلیٹ فارمز پر براہِ راست نشر کیا جائے گا۔
ٹی وی چینلز:
اے اسپورٹس
ٹین اسپورٹس
پی ٹی وی اسپورٹس
آن لائن اسٹریمنگ پلیٹ فارمز:
تماشا
ٹیپ میڈ
مائیکو
میچ کے اوقات:
پہلا میچ آج صبح 10 بجے شروع ہوگا۔
یہ سیریز نہ صرف تاریخی حیثیت رکھتی ہے بلکہ شائقین کو سنسنی خیز کرکٹ دیکھنے کا موقع فراہم کرے گی۔ دونوں ٹیمیں جیت کے لیے میدان میں اتریں گی، اور شائقین کو بہترین کھیل دیکھنے کو ملے گا۔ اس موقع کو کسی صورت نہ کھوئیں اور پاکستان کی میزبانی میں کرکٹ کی واپسی کا جشن منائیں۔
