گوگل نیوز پر ہمیں فالو کریںکراچی: شہر قائد کے علاقہ گلشن اقبال 13 ڈی میں نالے میں گیس بھر جانے کے باعث زور دار دھماکہ ہوا، ابتدائی اطلاعات کے مطابق دھماکے کے نتیجے میں کسی جانی نقصان کی اطلاع سامنے نہیں آئی۔
ذرائع کا کہنا ہے کہ گلشن اقبال گلشن اقبال 13 ڈی میں نالے میں گیس بھر جانے سے ہونے والے دھماکے کی سی سی ٹی وی فوٹیج بھی سامنے آگئی ہے، ویڈیو میں دیکھا جاسکتا ہے کہ دھماکا کپڑے فروخت کرنے والی دکان کے باہر ہوا۔
فوٹیج میں دیکھا جا سکتا ہے کہ دھماکے کے وقت خواتین خریداری میں مصروف ہیں، دھماکے سے قبل ایک گدا گر خاتون اور اس کا بچہ نالے پر کھڑے ہوتے ہیں، اچانک نالے سے آگ کا شعلہ نکلتا ہے اور دھماکا ہوجاتا ہے۔
مزید پڑھیں:دو مختلف واقعات میں دم گھٹنے سے 6افراد ہلاک ہوگئے
دھماکے ہونے کے بعد بھگدڑ مچ جاتی ہے، دھماکے کے نتیجے میں ایک بچہ معمولی زخمی ہوا جسے طبی امداد فراہم کرنے کے لئے اسپتال منتقل کر دیا گیا۔
