حریم شاہ ہنی مون منانے ترکی پہنچ گئیں، ویڈیوزسوشل میڈیا پر وائرل

پیپلزپارٹی کے رکن سندھ اسمبلی سے شادی کا دعویٰ کرنے والی ٹک ٹاک اسٹار حریم شاہ ہنی مون منانے کیلئے ترکی پہنچ گئیں،لوکیشن کے ساتھ انسٹاگرام پر ویڈیوز جاری کردیں جو سوشل میڈیا پر وائرل ہوگئی ہیں۔

حریم شاہ نے گزشتہ ماہ 28 جون کو دعویٰ کیا تھا کہ انہوں نے پیپلز پارٹی کے رکن سندھ اسمبلی و صوبائی وزیر سے خاموشی سے شادی کرلی اور وہ دونوں ہنی مون کے لیے 4 جولائی کو ترکی جائیں گے۔

اب حریم شاہ نے انسٹاگرام پر جاری کی گئی دو ویڈیوز میں ترکی کی لوکیشن ڈالی ہے، تاہم اس بات کی تصدیق نہیں ہوسکی کہ وہ ترکی ہی میں موجود ہیں یا کسی اور جگہ؟حریم شاہ نے ترکی کی لوکیشن کے ساتھ دو ویڈیوز شیئر کیں، جس میں سے ایک ویڈیو میں وہ گانے پر پرفارم کرتی دکھائی دیتی ہیں اور مذکورہ ویڈیو کے ساتھ انہوں نے استنبول کی لوکیشن ڈال رکھی ہے۔

 

View this post on Instagram

 

A post shared by Hareem shah (@hareem.shah_official_account)

حریم شاہ کی جانب سے شیئر کی گئی دونوں ویڈیوز میں ترکی کے شہر استنبول کے دو مختلف علاقوں کی لوکیشن ڈالی گئی، تاہم تصدیقی طور پر کچھ نہیں کہا جا سکتا کہ وہ ترکی گئی ہیں یا پاکستان میں بیٹھ کر وہاں کی لوکیشن استعمال کر رہی ہیں۔

سوشل میڈیا پلیٹ فارمز صارفین کو مواد شیئر کرتے وقت کسی بھی شہر اور ملک کی لوکیشن شامل کرنے کے فیچرز فراہم کرتے ہیں۔

خیال رہے کہ حریم شاہ نے 28 جون کو پی پی رہنما سے شادی کا دعویٰ کرتے وقت ہی کہا تھا کہ وہ 4 جولائی کو ہنی مون کے لیے ترکی جائیں گے اور وہاں سے واپسی پر وہ کراچی میں آکر ولیمے کی تقریب منعقد کریں گے۔