مشکل وقت ہے لیکن ہماری قوم ہر آزمائش میں سرخرو ہوئی ہے: فردوس عاشق

لاہور: ڈاکٹر فردوس عاشق اعوان نے کہاہے کہ کورونا کے چیلنج سے نبرد آزما ہونے کیلئے حکومت نے عوام کے مفاد، تحفظ اور سلامتی کیلئے اقدامات اٹھائے ہیں اور ہم کوئی کسرنہیں چھوڑیں گے‘ اس وبا کو قومی ہم آہنگی کے ذریعے شکست دیں گے‘قوم کو گھبرانے کی ضرورت نہیں ہے۔

کرونا کے بین الاقوامی چیلنج سے نبرد آزما ہونے کیلئے حکومت نے عوام کے مفاد، تحفظ اور سلامتی کیلئے اقدامات اٹھائے ہیں۔قومی یکجہتی اور ہم آہنگی کے ساتھ ایک ہو کر اس وائرس کو شکست دیں گے۔مشکل وقت ہے،لیکن ہماری قوم ہر آزمائش میں سرخرو ہوئی ہے۔https://t.co/h1JrRNgcEP

— Dr. Firdous Ashiq Awan (@Dr_FirdousAwan) March 15, 2020

ڈاکٹر فردوس عاشق اعوان نے اپنے ٹویٹ میں کہا کہ مشکل وقت ہے لیکن ہماری قوم ہر آزمائش میں سرخرو ہوئی ہے۔ وزیراعظم کرونا وائرس کے تدارک کیلئے اٹھائے جانے والے اقدامات کی خود نگرانی کر رہے ہیں‘قومی یکجہتی اور ہم آہنگی کے ساتھ ایک ہو کر اس وائرس کو شکست دیں گے۔

عوام ہدایات اور احتیاطی تدابیر پر عوام لازمی عمل کریں۔ معاشی طور پر مستحکم اور شعبہ طب میں بہتر نتائج رکھنے والی اقوام نے بھی احتیاطی تدابیر اپنائیں اور خطرناک معاملے سے کافی حد تک باہر آگئے ہیں۔ کرونا سے بچاؤ کیلئے ہماری جانب سے کئے گئے بروقت اقدامات کی گواہی ڈبلیو ایچ او بھی دے رہا ہے۔