گوگل نیوز پر ہمیں فالو کریںہرارے: زمبابوے کے شہر ہرارے میں کھیلے جارہے پہلے ٹیسٹ میچ میں پاکستان نے زمبابوے کو ایک اننگز اور 116 سے شکست دے کر 2 ٹیسٹ میچز کی سیریز میں ایک صفر کی برتری حاصل کرلی ہے۔
زمبابوے کی ٹیم دوسری اننگزمیں صرف 134 رنزبنا کر آؤٹ ہوگئی۔ پاکستان کے حسن علی نے 5، نعمان علی نے دو اور فہیم اشرف نے ایک کھلاڑی کو آؤٹ کیا۔ فاسٹ بولرحسن علی نے میچ میں مجموعی طور پر 9 وکٹیں حاصل کیں۔
ہرارے میں کھیلے جارہے پہلے ٹیسٹ میچ کے تیسرے دن پاکستان نے اپنی نامکمل اننگز کا آغاز کیا تو فواد عالم 108 اور حسن علی 21 رنز کے ساتھ وکٹ پر موجود تھے، تاہم حسن علی 30 رنز بنا کر پویلین لوٹ گئے۔
آنے والے نئے بلے باز نعمان علی تھے جو پہلی ہی گیند ہو گئے ۔ ساجد علی بھی صرف 7 رنز اسکور ہی کرپائے۔ پاکستان کے آخری آؤٹ ہونے والے کھلاڑی فواد عالم تھے جنہوں نے 20 چوکوں کی مدد سے 140 رنز اسکور بنائے تھے۔
زمبابوے جانب سے سب سے نمایاں باؤلر بلیسنگ موزارابانی رہے جنہوں نے 4 کھلاڑیوں کو آؤٹ کیا جبکہ ڈونلڈ ٹریپانو نے 3 کھلاڑیوں کو پویلین کی راہ دکھائی تھی۔
پاکستان نے زمبابوے کے خلاف پہلی اننگز میں 250 رنز کی سبقت حاصل کر لی ہے۔ زمبابوے کی ٹیم پہلی اننگز میں 176 رنز پر ڈھیر ہو گئی تھی۔ پاکستان کی جانب سے حسن علی اور شاہین آفریدی نے شاندار بولنگ کا مظاہرہ کرتے ہوئے 4، 4 کھلاڑیوں کو آؤٹ کیا تھا۔
یہ بھی پڑھیں : راولپنڈی میں پبلک ٹرانسپورٹ بند، نجی گاڑیوں نے کرائے بڑھا دیئے
