گوگل نیوز پر ہمیں فالو کریںلاہور: سابق وزیر اعلیٰ پنجاب حمزہ شہباز نے 100یونٹس تک بجلی مفت کرنے کا اعلان کیا تھا، مسلم لیگ (ن) نے عدلیہ کے فیصلے پر سوالات اٹھا دئیے۔
سماجی رابطے کی ویب سائٹ ٹوئٹر پر اپنے پیغام میں سابق حکمراں سیاسی جماعت ن لیگ نے کہا کہ حمزہ شہباز نے بطور وزیر اعلیٰ پنجاب 100 یونٹس استعمال کرنے والوں کو مفت بجلی دینے کا اعلان کیا تھا۔
عالمی روڈ ٹرانسپورٹ کے تحت پاک چین تجارت کا آغاز
ٹوئٹر پیغام میں ن لیگ نے کہا کہ بعد میں حمزہ شہباز مفت بجلی کی حد 200 سے 300 یونٹس تک بڑھا دیتے، لیکن عدالت نے اس پر حکم جاری کیا کہ یہ عمل فوری روکا جائے۔
حمزہ شہباز شریف نے بطور وزیراعلیٰ پنجاب 100 یونٹ بجلی استعمال کرنے والوں کو مفت بجلی کا اعلان کیا جو بعد 200 سے 300 تک بڑھانا تھی۔لیکن عدالت نےاس پر حکم جاری کیا کہ فوری اس عمل کو روکا جائے
میرا عدالت سےسوال یہ ہے کہ نقصان کس کا ہوا؟ حمزہ شہباز کا یا غریب عوام کا؟
#300UnitsFree pic.twitter.com/tfCzI6BdsO— PMLN (@pmln_org) August 25, 2023
ترجمان ن لیگ کا کہنا تھا کہ میرا عدالت سے سوال یہ ہے کہ نقصان کس کا ہوا؟ حمزہ شہباز کا، یا غریب عوام کا؟
ریکارڈ سے پتہ چلتا ہے کہ ماضی میں سابق وزیرِ اعلیٰ حمزہ شہباز نے 100 یونٹس تک بجلی مفت کرنے کا اعلان کرتے ہوئے 200 اور 300 یونٹس تک بجلی استعمال کرنے والوں کیلئے بھی بجلی مفت کرنے کے منصوبے کا اعلان کیا تھا۔
برطانوی نشریاتی ادارے (بی بی سی) کی ایک رپورٹ میں کہا گیا ہے کہ بطور وزیر اعلیٰ حمزہ شہباز نے روشن گھر پروگرام کے تحت 100 یونٹ بجلی کی فراہمی مفت کرنے کا اعلان کیا تاہم یہ اقدام ضمنی انتخابات تک معطل کردیا گیا۔
پنجاب حکومت نے بجٹ میں خواتین کیلئے 12 ہزار اسکوٹیز اور طلبہ و طالبات کیلئے لیپ ٹاپ اسکیم کی بحالی جیسے اقدامات بھی اٹھائے۔
