گوگل نیوز پر ہمیں فالو کریںپاکستانی فلم انڈسٹری کے مشہور اداکار حمزہ علی عباسی بھارت میں طیارہ حادثے پر غمزدہ ہو گئے ہیں جس کے بعد انہوں نے حادثے میں ہونے والے جانی نقصان پر افسوس کا اظہار بھی کیا۔
سماجی رابطے کی ویب سائٹ ٹوئٹر پر اپنے پیغام میں اداکار حمزہ علی عباسی نے کہا کہ بھارت میں ہونے والا طیارہ حادثہ انتہائی افسوسناک اور تشویش ناک واقعہ ہے۔
اداکار حمزہ علی عباسی نے کہا کہ میں گزشتہ روز ہونے والے بھارتی طیارہ حادثے میں وفات پانے والے اور زخمی ہونے والے افراد کیلئے دُعا گو ہوں۔
#AirIndia Extremely sad and tragic incident. Prayers for the deceased and injured. ❤
— Hamza Ali Abbasi (@iamhamzaabbasi) August 8, 2020
یاد رہے کہ اِس سے قبل بھارت کی ریاست کیرالہ میں مسافر طیارے کی کریش لینڈنگ میں دو پائلٹوں سمیت 20 افراد ہلاک جبکہ 140 افراد زخمی ہو گئے، 40 کے قریب مسافروں کی حالت تشویشناک رہی۔ وزیراعظم عمران خان نے واقعے پر افسوس کا اظہار کیا۔
بھارتی میڈیا کے مطابق ریاست کیرالہ کے کالی کٹ ایئرپورٹ پر بھارتی مسافر طیارہ گزشتہ روز کریش لینڈنگ کے رن وے سے دوران پھسل کر آبادی میں گھس گیا، حادثے میں 20 افراد ہلاک ہوگئے۔ حادثے میں پائلٹ کے معاون بھی چل بسے۔
مزید پڑھیں: بھارت، طیارے کی کریش لینڈنگ،پائلٹس سمیت20 افرادہلاک
