گوگل نیوز پر ہمیں فالو کریںاسلام آباد: وزیرِ مملکت برائے اقتصادی امور حماد اظہر نے کہا ہے کہ پاکستان تحریکِ انصاف کے تحت موجودہ حکومت نے معیشت کو مستحکم کیا جبکہ عالمی ادارے موڈیز کی طرف سے مستحکم ریٹنگ کی تصدیق خوش آئند ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اقتصادی امور حماد اظہر نے کہا کہ عالمی ادارے موڈیز کی طرف سے پاکستان کی بی 3 ریٹنگ کی مستحکم آؤٹ لک کے ساتھ تصدیق خوش آئند ہے۔
وفاقی وزیر حماد اظہر نے کہا کہ کورونا وائرس جیسی عالمی وباء کے تناظر میں موڈیز کی طرف سے مستحکم ریٹنگ کی تصدیق حوصلہ افزاء علامت ہے۔
ریٹنگ کی تاریخ پر روشنی ڈالتے ہوئے وزیرِ مملکت حماد اظہر نے کہا کہ موڈیز کی طرف سے پاکستان کی ریٹنگ جون 2018ء میں بی 3 منفی کردی گئی تھی جس کی بنیاد مسلم لیگ (ن) کا دورِ حکومت تھا۔
وزیرِ مملکت حماد اظہر نے کہا کہ ن لیگی دورِ حکومت کے حقائق اور اعدادوشمار کے ساتھ ساتھ پالیسیوں کی بنیاد پر موڈیز نے ہماری ریٹنگ منفی کردی جبکہ دسمبر 2019ء میں پی ٹی آئی حکومت نے معیشت کو استحکام دیا۔
حماد اظہر نے کہا کہ حکومت کی طرف سے معاشی استحکام آنے کے بعد عالمی ادارے موڈیز نے پاکستان کی ریٹنگ بی 3 مستحکم کردی جو ایک خوش آئند اقدام ہے۔
Moody's confirmation of Pak's B3 rating with stable outlook during pandemic is encouraging sign.
Pak's rating was downgraded to B3 negative in June 2018 based on data/policies of pmln's term. In Dec 2019, after econ stabilsation by PTI govt, rating was upgraded to B3 Stable.— Hammad Azhar (@Hammad_Azhar) August 8, 2020
یاد رہے کہ اِ س سے قبل مالیاتی ریٹنگز کے عالمی ادارے موڈیز نے پاکستان کی ریٹنگ کا استحکام برقرار رکھنے کی تصدیق کی جس کا حکومتِ پاکستان کی طرف سے خیر مقدم کیا گیا۔
قبل ازیں رواں برس 14 مئی کے روز موڈیز نے فیصلہ کیا کہ پاکستان کی ریٹنگ کو کم کرنے کے حوالے سے نظرِ ثانی کی جائے تاہم ریٹنگ برقرار رکھی گئی۔ موڈیز نے پاکستان کی ریٹنگ کا آؤٹ لک بڑھا دیا۔
مزید پڑھیں: موڈیز نے پاکستان کی ریٹنگ کا استحکام برقرار رکھنے کی تصدیق کردی
