گوگل نیوز پر ہمیں فالو کریںحماس نے جمعرات کو غزہ جنگ بندی میں یرغمالیوں کی رہائی کے تیسرے مرحلے میں ایک اسرائیلی خاتون فوجی کو رہا کر دیا۔
عرب میڈیا کے مطابق فلسطینی مزاحمتی تنظیم حماس نے جنگ بندی معاہدے کے تحت جبالیہ میں حماس کے شہید رہنما یحییٰ سنوار کے گھر کے قریب سےیرغمال بنائی جانیوالی اسرائیلی خاتون سپاہی آغام برگر کو رہا کر دیا۔
رہائی پانے والی خاتون کو ریڈ کراس کے حوالے کر دیا گیا جو اسے اسرائیلی حکام کے پاس لے گیا۔اسرائیلی فوج نے بھی آگم برگر کے اسرائیل پہنچنے کی تصدیق کی ہے۔
سویڈن میں متعدد بار قرآن کی بے حرمتی کرنیوالا سلوان مومیکا قتل
واضح رہے کہ غزہ جنگ بندی معاہدے کے تحت 110 فلسطینی قیدیوں کی رہائی کے بدلے آج 8 مغویوں کو رہا کیا جانا ہے۔
جنگ بندی کے معاہدے کے تحت اسرائیل شمالی غزہ میں بے گھر ہونے والے لاکھوں فلسطینیوں کو اپنے گھروں کو واپس جانے کی اجازت دینے کے لیے نیٹزارم کوریڈور سے افواج کو ہٹانے کا پابند ہے۔
توقع ہے کہ اسرائیل مزید انسانی امداد اور دیگر سامان کے لیے رفح سرحد کھول دے گا۔
غزہ میں اسرائیلی فوجی کارروائی کے دوران 47 ہزار سے زائد فلسطینی ہلاک ہوئے، غزہ حکام کے مطابق ہلاک ہونے والوں میں نصف تعداد خواتین اور بچوں کی تھی۔
