حلیمہ سلطان پاکستان میں گوگل پر ٹاپ ٹین سرچنگ میں شامل

کراچی:شہرہ آفاق ترک ڈرامہ سیریز ارطغرل غازی میں حلیمہ سلطان کا مرکزی کردار ادا کرنے والی اداکارہ اسرابلجیک پاکستان میں گوگل پر تلاش کی جانیوالی اہم شخصیت بن گئیں۔

پاکستانی عوام نے سال 2020میں بچوں کی گھریلو سرگرمیاں ، ٹی وی شوز کی اردو میں ڈبنگ ، پالتو جانور کیسے حاصل کریں اور ذہنی صحت کی مدد کے حوالے سے مضامین سب سے زیادہ تلاش کئے۔

گزشتہ سال پاکستانی عوام کی ہر دس میں سے ایک تلاش کرکٹ کے حوالےسے تھی جبکہ ترک ڈرامہ ارطغرل غازی بھی پاکستان عوام کی تلاش میں دس ٹاپ سرچز میں شامل رہا۔

ارطغرل غازی میں حلیمہ سلطان کا مرکزی کردار ادا کرنے والی اداکارہ اسرابلجیک، پاکستانی اداکارہ علیزے شاہ، امریکی صدر جوبائیڈن کو بھی بارہا تلاش کیا جاتا رہا۔

مزید پڑھیں:

حلیمہ سلطان کی پاکستانی لباس میں تصاویر نے مداحوں کو دیوانہ بنادیا

حلیمہ سلطان کے مداحوں کیلئے خوشخبری، اسرا بلجیک اب تیمور کیساتھ نظر آئینگی

پاکستانی اپنے فلاحی کام کو بڑھانے اور اپنی روز مرہ کی زندگی میں مزید دوبارہ قابل استعمال چیزوں کو شامل کرنے کا طریقہ سیکھنے میں بھی دلچسپی رکھتے تھے۔

گوگل کی جانب سے جاری کردہ رپورٹ میں گزشتہ سال پاکستانی عوام کی طرف سے کورونا وائرس کے حوالے سے بھی سرچنگ کی جاتی رہی جبکہ شہری صنفی مساوات کے حوالے مواد تلاش کیا جاتا رہا۔